Sgiliau Llyfrgell a Gwybodaeth

Dechrau Arni

 

Gyda chynifer o ffynonellau gwybodaeth ar gael i fyfyrwyr, mae’n anodd gwybod ble i ddechrau weithiau. Ar y dudalen hon cewch arweiniad ar sut i ddechrau arni yn eich astudiaethau academaidd a pha fathau o adnoddau sydd ar gael i chi. Defnyddiwch y tabiau isod i gael gwybod mwy.

 

 

Defnyddio'r Llyfrgelloedd

Mae tair llyfrgell ar gael i chi eu defnyddio:

Llyfrgell Hugh Owen, ein prif lyfrgell

 

 

Hugh Owen yw prif Lyfrgell y Brifysgol ar Gampws Penglais, ac yno y mae prif gasgliadau’r dyniaethau, y gwyddorau cymdeithasol, y gwyddorau biolegol a’r gwyddorau daear. Mae yno dri llawr:

  • Llawr F – Yma  y mae casgliad y dyniaethau, gan gynnwys adnoddau Llenyddiaeth Saesneg, Daearyddiaeth, Hanes, Gwleidyddiaeth Ryngwladol, y Gwyddorau Cymdeithasol, Astudiaethau Theatr, Ffilm a Theledu a mwy.
  • Llawr E – Yma y mae casgliad y gwyddorau a’r cyfnodolion gwyddonol, yn ogystal â’r casgliad Celtaidd.
  • Llawr D – Y brif ddesg ymholiadau, yn ogystal â’r casgliadau astudio effeithiol ac amlgyfrwng.

Llyfrgell y Gwyddorau Ffisegol – Cyfrifiadureg, Mathemateg a Ffiseg

 

 

Llyfrgell y Gwyddorau Ffisegol yw’r brif lyfrgell i fyfyrwyr yr Athrofa Mathemateg, Ffiseg a Chyfrifiadureg, ac yno y ceir y prif gasgliadau Mathemateg, Ffiseg a Chyfrifiadureg, yn ogystal â nifer o gyfnodolion. Mae’r llyfrgell hon ar lawr uchaf Adeilad y Gwyddorau Ffisegol.

Llyfrgell Thomas Parry – Astudiaethau Gwybodaeth, y Gyfraith a Throseddeg, a Busnes

 

 

Mae Llyfrgell Thomas Parry ar Gampws Llanbadarn, ac yno y ceir casgliadau’r Gyfraith a Throseddeg, Astudiaethau Gwybodaeth, a Busnes. Yn stac llyfrgell Thomas Parry y cedwir cyfnodolion craidd y meysydd pwnc hyn hefyd ynghyd â nifer o adnoddau cyfeirio yn unig, gan gynnwys y Ganolfan Dogfennau Ewropeaidd a chasgliad plant y llyfrgell.

Dod Hyd i Adnoddau

Cewch fwy o fanylion ynglŷn â dod o hyd i adnoddau, ynghyd ag awgrymiadau ynghylch y math o ddeunydd i’w ddarllen, yn y canllaw Beth i’w ddarllen a sut i ddod o hyd iddo.

Adnoddau ffisegol ac ar-lein: Yn, Primo, sef catalog y llyfrgell, cewch hyd i amryw o wahanol ddeunyddiau y mae Prifysgol Aberystwyth yn tanysgrifio iddynt, gan gynnwys llyfrau, erthyglau cyfnodolion, traethodau ymchwil, deunyddiau amlgyfrwng a mwy. Gweler ein hadran sy’n cynnwys awgrymiadau ar gyfer dod o hyd i adnoddau. (Bydd angen i chi sgrolio i lawr.)

Canllawiau pwnc: Ceir deunyddiau sy’n ymwneud yn fwy penodol â’r pwnc rydych yn ei astudio yn ein Canllawiau Pwnc. Yma, cewch wybodaeth fanwl am adnoddau print ac electronig sy’n gysylltiedig â’ch pwnc.

Rhestrau darllen: Yn olaf, nodir deunyddiau’r modiwlau penodol rydych yn eu hastudio yn rhestr ddarllen y modiwl ar Blackboard, yn y ddewislen ar ochr chwith tudalen y modiwl. Gallwch hefyd chwilio am eich rhestrau yn Aspire. Ceir mwy o wybodaeth am Blackboard isod.

Gwyliwch y fideo isod i gael gwybod sut i ddod o hyd i lyfr yn y llyfrgell. 

Benthyca

Mae benthyca a defnyddio deunyddiau’r llyfrgell yn un o’r sgiliau gwybodaeth allweddol y mae angen i fyfyrwyr eu meistroli, beth bynnag fo’u cynllun gradd.

Cewch fenthyca llyfrau drwy ddefnyddio’r peiriannau hunanwasanaeth ym mhob un o’n llyfrgelloedd neu wrth ein desgiau ymholiadau. Bydd angen eich Cerdyn Aber .

Yn dibynnu ar yr eitem dan sylw, cewch fenthyca eitemau am bythefnos, tridiau neu 24 awr. Does dim labeli lliw ar fenthyciadau pythefnos, labeli coch sydd ar fenthyciadau tridiau a labeli melyn ar fenthyciadau 24 awr. Cewch hefyd adnewyddu eitemau a fenthycwyd drwy Primo neu yn unrhyw un o’n llyfrgelloedd. I gael gwybod mwy, gan gynnwys sawl llyfr y cewch ei fenthyca, gweler benthyca o’r llyfrgell.

Aberlearn Blackboard

Blackboard yw Rhith-amgylchedd Dysgu y Brifysgol, lle mae’r darlithwyr yn rhannu gwybodaeth a deunyddiau dysgu sy’n gysylltiedig â’ch astudiaethau. Mewngofnodwch gyda’ch manylion adnabod myfyriwr a’ch cyfrinair. Bydd eich modiwlau ar gael yn Fy Modiwlau ym mhob blwyddyn academaidd yn fuan ar ôl i chi gofrestru. Dyma rai o’r pethau sydd ar gael:

  • Cyhoeddiadau am fodiwlau gan ddarlithwyr.
  • Gwybodaeth am y modiwl a’i gynnwys.
  • Dogfennau cwrs, y bydd darlithwyr yn eu diweddaru ac yn ychwanegu atynt yn ystod y modiwl.
  • Gwe-ddolenni sy’n berthnasol i’r modiwl.
  • Rhestr ddarllen Aspire y modiwl.

Ewch i Blackboard yn blackboard.aber.ac.uk

Argraffu a chopïo

Mae peiriannau argraffu/llungopïo/sganio cyfunol ar gael mewn lleoliadau ledled y campws. Gallwch fewngofnodi i unrhyw un o’r rhain naill ai gyda’ch enw defnyddiwr a’ch cyfrinair neu gyda’ch Cerdyn Aber. Bydd angen i chi lwytho arian ar eich Cerdyn Aber er mwyn argraffu. Mae’n costio 4c i argraffu un ochr dalen (du a gwyn), a chewch sganio ar ein peiriannau argraffu yn rhad ac am ddim, er y bydd angen rhywfaint o gredyd ar eich Cerdyn Aber cyn cychwyn.

Mae fideo a chanllaw argraffu ar gael yma.

Mae gwybodaeth am argraffu a’r taliadau cyfredol ar gael yma.

MyAber

FyAber yw ap symudol newydd Prifysgol Aberystwyth, sy’n dod â phopeth sy’n ymwneud â’ch profiad yn y Brifysgol at ei gilydd mewn un ap hawdd ei ddefnyddio sydd wedi’i deilwra’n benodol i chi.

Ymhlith ei nodweddion mae:

  • Ebost – fersiwn ysgafn o’ch gwebost Aber
  • Calendrau – gan gynnwys amserlenni darlithoedd
  • AberLearn Blackboard
  • Presenoldeb – gwiriwch eich presenoldeb
  • Balansau eich Cerdyn Aber – gwiriwch eich balansau arlwyo ac argraffu
  • Cyfrif llyfrgell – cewch weld eich hanes benthyca a’r eitemau rydych wedi’u harchebu, ynghyd â derbyn hysbysiadau fod llyfr a archebwyd ar gael, neu hysbysiadau ynglŷn ag eitemau sy’n hwyr
  • Cyfrifiaduron sydd ar gael – cewch weld a oes cyfrifiaduron ar gael i’w defnyddio
  • Newyddion – y newyddion diweddaraf o Brifysgol Aberystwyth
  • Hysbysiadau pwysig
  • Tasgau

Mae mwy o nodweddion ar y gweill yn y dyfodol agos.

Cyngor penodol gan adrannau academaidd

SimSphere: "Model SVAT (pridd/llystyfiant/atmosffer/trosglwyddo) yw SimSphere sy’n efelychu’r rhyngweithio rhwng y pridd, planhigion a systemau atmosfferig a’r modd y mae egni, momentwm a dŵr yn cael eu trosglwyddo drwy’r systemau." 

Llyfrgell o fapiau digidol: ystod eang o adnoddau mapio. Maent yn cynnwys adnoddau ar-lein megis Digimap, sy’n darparu adnoddau’r Arolwg Ordnans. Mae adnoddau ar-lein ar gael i fyfyrwyr eu defnyddio: https://www.aber.ac.uk/en/iges/facilities/map-library/

Dechrau arni

Beth i ddarllen a sut i'w ffeindio

Cadw i fyny yn eich pwnc astudio

Gweithio oddi ar y campws