Myfyrwyr Israddedig Presennol

Mae Ceisiadau Llety ar gyfer 2018/19 yn awr ar agor - 

Sut I wneud cais

Efallai y byddwch yn clywed ambell si, ond peidiwch â rhuthro i drefnu llety ar gyfer eich ail, trydedd (neu bedwaredd) flwyddyn astudio. Nid oes diffyg llety ar gyfer myfyrwyr yn Aberystwyth!  

Yn draddodiadol, bydd y cyfnod o chwilio am dŷ yn dechrau o fis Tachwedd er mwyn paratoi ar gyfer y mis Medi dilynol, gan roi digon o gyfle i chi benderfynu ble yr hoffech fyw a gyda phwy. Wrth chwilio am lety ar gyfer y flwyddyn nesaf, PEIDIWCH Â RHUTHRO – ymgartrefwch yn gyntaf a mwynhau bywyd Prifysgol!

Ar ôl ichi lofnodi cytundeb llety (a thalu’r blaendal os oes angen), gall fod yn anodd iawn, ac weithiau’n amhosibl, i newid y penderfyniad felly gwnewch yn sicr eich bod chi wedi ystyried pob dim cyn penderfynu. 

I ddarganfod pa lety sydd ar gael i chi, cymharwch ein preswylfeydd.

Pam aros gydd ni?

  • Hyd yn oed os byddwch yn gwneud cais nawr, nid ydych chi'n rhwymedig â Thrwydded nes byddwch chi'n cadarnhau eich lle yn nes ymlaen.
  • Yr holl filiau ynni yn gynwysedig 
  • Rhyngrwyd grifredig a di-wifr cyflymder uchel yn gynwysedig 
  • Aelodaeth blatinwm rad ac am ddim yn y Ganolfan Chwaraeon er budd eich iechyd a'ch lles
  • Dewis i fyw gyda'ch ffrindiau mewn fflatiau/tai sydd â rhwng 2 a 10 o ystafelloedd gwely 
  • Myfyrwyr Presennol yn cael eu clustnodi i fflatiau gyda'i gilydd- ddim wedi'u cymysgu â myfyrwyr y flwyddyn gyntaf!
  • Lleoedd ar gael i fyfyrwyr o bob blwyddyn (2il, 3edd, 4edd flwyddyn ac ati)
  • Lleoliad cyfleus yn agos i'r adnoddau academaidd ac adnoddau'r campws, yn ogystal â chanol y dref- Opsiynau llety
  • Os ydych chi eisoes yn byw gyda ni yna nid oes angen talu unrhyw flaendal pellach*! Os nad ydych chi, dim ond £100 yw'r blaendal 
  • Adnoddau golchi dillad ar y safle 
  • Help a chymorth 24/7- gan gynnwys derbynfa wedi'i staffio
  • Canolfannau dysgu 24/7 o fewn cyrraedd yn hawdd i'ch llety 
  • Yswiriant yn gynwysedig 
  • Cynlluniau talu ar gael ar gyfer ffioedd llety 
  • Cytundebau Trwydded Sengl - nid cyd ac unigol (felly nid ydych chi'n gyfrifol am dalu rhent pobl eraill) ac nid oes angen 'Gwarantwyr'
  • Amrywiaeth o hydoedd trwyddedau a llety haf y Brifysgol ar gael

*Os es gennych flaendal â ni eisoes bydd gweddill y balans yn cael ei ddefnyddio i sicrhau eich lle ar gyfer y flwyddyn academaidd nesaf; ond, os yw eich blaendal wedi gostwng islaw'r £100 angenrheidiol bydd angen i chi dalu'r gwahaniaeth

Cymryd Blwyddyn Allan

Bydd myfyrwyr sy'n cymryd blwyddyn allan mewn Diwydiant neu Dramor yn parhau i gael mynediad i'w cyfrif e-bost Prifysgol Aberystwyth ac felly byddwch yn cael gwahoddiad i wneud cais am lety ar gyfer y flwyddyn academaidd ganlynol yn yr un modd â myfyrwyr presennol eraill. Gwiriwch eich cyfrif e-bost yn gyson os gwelwch yn dda.

Gellir canfod gwybodaeth bellach am y cynlluniau hyn ar dudalennau Cynllun Blwyddyn Mewn Gwaith (BMG).

Pa ddewisiadau sydd ar gael i mi? 

Bydd gennych nifer o ddewisiadau megis byw yn llety'r Brifysgol byw mewn tai myfyrwyr yn y sector breifat, gan ddefnyddio ein Bas-data Llety Studentpad Aber neu’r asiantwyr gosod amrywiol yn Aberystwyth i ddod o hyd i dŷ neu fflat i fyfyrwyr, neu rentu ystafell gyda phrif ddarparwyr eraill i fyfyrwyr.