Israddedigion Newydd

Gwarant o Llety i Fyfyrwyr y Flwyddyn 1af!*

Mae Ceisiadau Llety yn agor am 9yb ar ddydd Llun, 9 Ebrill 2018.

Sut i wneud cais

 

Pryd y gallaf wneud cais?

Unwaith y byddwch wedi dewis Aberystwyth fel eich dewis Cadarn neu ddewis Wrth Gefn, o ganol Mawrth ymlaen bydd y Swyddfa Llety yn cysylltu â chi drwy e-bost a phost yn eich gwahodd i wneud cais am lety. Caiff llety ei warantu yn un o'r neuaddau sy'n eiddo i'r Brifysgol neu a reolir gan y Brifysgol os gwnewch gais amdano cyn 1af Awst yn y flwyddyn mynediad ac yn ymateb i'ch cynnig o lety erbyn y dyddiad cau a nodir yn y Cynnig Llety*.

*Gosodir telerau ac amodau - ewch i'n Polisi Blaenoriaethau i gael rhagor o fanylion.

Dewisiadau Llety

Rydyn ni'n cynnig llety o safon uchel, wedi'i leoli'n gyfleus yn Aberystwyth. O breswylfeydd arlwyo 'traddodiadol' ar gyfer myfyrwyr cyfrwng Cymraeg yn unig, llety rhan-arlwyo i lety en-suite hunan-arlwyo, gallwn ddarparu opsiwn sy'n addas ar gyfer eich gofynion. Mae gennym llety arbenigol ar gyfer myfyrwyr sy'n siarad neu'n dysgu Cymraeg a fyddai'n hoffi byw mewn amgylchedd lle siaredir Cymraeg. 

I ddarganfod pa lety sydd ar gael i chi, cymharwch ein preswylfeydd.

Pam byw gyda ni?

  • Dim ond £100 o Ffi Derbyn i'w dalu.
  • Yr holl filiau ynni yn gynwysedig.
  • Rhyngrwyd gwifrediga di-wifr cyflymder uchel yn gynwysedig.
  • AELODAETH blatinwm rad ac am ddim yn y Ganolfan Chwaraeon er budd eich iechyd a'ch lles.
  • Yswiriant yn gynwysedig.
  • Help a chymorth 24/7 - Gan gynnwys derbynfa wedi'i staffio.
  • Canolfannau dysgu 24/7 o fewn cyrraedd yn hawdd i'ch llety.
  • Adnoddau golchi dillad ar y safle.
  • Lleoliad cyfleus yn agos i'r adnoddau academaidd ac adnoddau'r campws, yn ogystal â chanol y dref.
  • Cynllyuniau talu ar gael ar gyfer ffioedd llety.
  • Cytundebau Trwydded  Sengl - nid cyd ac unigol (felly nid ydych chi'n gyfrifol am dalu rhent pobl eraill) ac nid oes angen 'Gwarantwyr'.
  • Dewis i fyw gyda'ch ffrindiau mewn fflatiau/tau sydd â rhwng 2 a 10 o ystafelloedd gwely.
  • Amrywiaeth o hydoedd trwyddedau a llety haf y Brifysgol ar gael.

Dewisiadau Llety Arall

Efallai yr hoffech fyw mewn Llety yn y Sector Preifat ac rydym yn cynnig cyngor a chymorth ynglŷn â hyn hefyd. Mae gennym gronfa ddata o dai rhent preifat y gallwch chwilio trwyddynt yn gyfleus ar-lein, os ydych chi angen unrhyw gymorth i chwilio cysylltwch â ni.

Os ydych chi’n dod i Aberystwyth gyda dibynyddion efallai yr hoffech edrych ar yr adran Llety i Deuluoedd a Chyplau.