Teithiau o’r Campws i Ddarpar Fyfyrwyr
Os nad oes modd i chi fynychu un o’r Diwrnodau Agored na’r Diwrnodau Ymweld swyddogol yn Aberystwyth, mae’n bosib i chi ymweld â ni o hyd! Mae teithiau tywysedig o’r campws ar gael drwy gydol y flwyddyn.
Mae’r teithiau hyn yn rhoi cyfle, y tu allan i ddigwyddiadau swyddogol, i ymweld â’r campws, gofyn cwestiynau, dysgu mwy am y Brifysgol a blasu bywyd myfyriwr yn Aberystwyth. Mae’r teithiau yn addas i ddarpar fyfyrwyr Israddedig ac Uwchraddedig. Mae croeso hefyd i deulu a ffrindiau ymuno â’r daith.
Rhaglen y Daith
Bydd y teithiau, sydd fel arfer yn para tua awr a hanner, yn dangos pob agwedd o’r campws i chi. Bydd y daith yn cynnwys yr adrannau academaidd, adrannau gwasanaeth, adnoddau astudio, adnoddau adloniant a chwaraeon, a thu allan i’r llety. Cynhelir y teithiau yn wythnosol.
Yn anffodus ni allwn fynd â chi i mewn i’r llety ar yr ymweliadau hyn, ond cewch weld y lleoliadau i gyd.
Efallai yr hoffech ymestyn eich diwrnod drwy drefnu ymweliad i adran academaidd, yn amodol ar argaeledd. Ceir manylion cyswllt i’r adrannau yma.
Ymweliadau Swyddogol
Cynhelir ein Diwrnodau Agored ar gyfer 2012/13 ar 17/10 a 20/13. Caiff yr israddedigion a fydd yn gwneud cais i Aberystwyth eu gwahodd i Ddiwrnod Ymweld adrannol, a gynhelir o fis Rhagfyr 2012 tan fis Ebrill 2013. Cynhelir y Diwrnod Agored i Uwchraddedigion ar 14/11.
Os nad oes un o’r diwrnodau hyn yn gyfleus, neu os hoffech ymweld yn gynharach, cwblhewch y ffurflen archeb isod (mae archebu lle yn hanfodol). Noder na fyddwch wedi cadarnhau eich lle nes i chi weld y sgrin cadarnhad. Byddwn yn cysylltu â chi wedyn i roi’r manylion am sut i gyrraedd a ble i barcio. Os nad ydych wedi derbyn ebost i gadarnhau eich lle, o fewn y 24 awr wedi i chi gwblhau’r ffurflen, cysylltwch â jab35@aber.ac.uk os gwelwch yn dda.