Tystysgrif Uwchraddedig Addysgu mewn Addysg Uwch (TUAAU)

Croeso i Dystysgrif Uwchraddedig Addysgu mewn Addysg Uwch (TUAAU) ym Mhrifysgol Aberystwyth.

Cyflwyniad

Mae’r TUAAU yn unol â Fframwaith Safonau Proffesiynol y Deyrnas Unedig (UKPSF) ac fe’i cynlluniwyd ar gyfer staff sy’n dysgu ac yn cynorthwyo dysgu Addysg Uwch mewn amrywiaeth eang o gyd‐destunau, o ddarlithio a dysgu o bell i addysg oedolion. Y mae’r cwrs yn cael ei achredu gan yr Academi Addysg Uwch, sef sefydliad canolog y DU sy’n gyfrifol am wella ansawdd dysgu a dysg mewn Addysg Uwch.

Y mae cwblhau’r cwrs yn arwain at gymhwyster lefel Meistr ar ffurf Tystysgrif Uwchraddedig, yn ogystal â chofrestriad gyda’r Academi Addysg Uwch fel Cymrawd (FHEA). Y mae’r rhaglen yn cynnwys un modiwl lefel Meistr 60 credyd (EDM1060), ac yn cymryd rhwng 12 mis a 3 blynedd i’w gwblhau fel rheol.

Strwythur

Y mae’r cwrs yn cynnwys elfen o waith a ddysgir a gwaith annibynnol lle y byddwch yn defnyddio eich cyd‐destun gwaith PRESENNOL fel sail ar gyfer datblygu amrywiaeth o ddulliau dysgu ac i ystyried llenyddiaeth berthnasol. Gan fod y cwrs wedi ei seilio ar eich gwaith, bydd llawer o’r gweithgareddau dysgu yn cael eu cyflawni yn ystod eich gwaith dysgu arferol. Mae’r rhaglen yn cynnwys:

  • Cyfarwyddyd cyn y Cwrs
  • Cwrs cyflwyno preswyl.
  • Tri ‘cylch dysgu’ – prosiectau ymchwil ar ddysg myfyrwyr ar raddfa fach.
  • Gweithdai Datblygiad Proffesiynol Parhaus.
  • Cyfarfodydd gyda mentor o’r adran sydd â phrofiad dysgu yn eich disgyblaeth.
  • Arsylwadau dysgu.
  • Cyfarfodydd unigol/grŵp rheolaidd sy’n darparu cefnogaeth gan dîm y cwrs.

Y mae’r rhaglen yn cael ei hasesu drwy gyfrwng portffolio ar ddiwedd y cwrs, lle’r ydych yn cyflwyno tystiolaeth o ddatblygiad eich sgiliau proffesiynol a’ch gwybodaeth o ddysgu yng nghyd‐destun eich adran. Daw’r dystiolaeth o’ch dyletswyddau dysgu arferol a’ch gweithgareddau datblygiad proffesiynol parhaus. Asesir y portffolio gan banel o staff hŷn yn ôl meini prawf sy’n cydymffurfio â’r gofynion ar gyfer achrediad gan yr Academi Addysg Uwch.

Dyddiadau TUAAU

Rhestr o ddyddiadau pwysig i gyfranogwyr TUAAU

Tîm y Rhaglen

Cydlynir TUAAU o’r Ysgol Addysg a Dysgu Gydol OES (YADGO). Lleolir y rhaglen ar hyn o bryd yn G18 Adeilad Cledwyn, Campws Penglais.

Cydgysylltydd Datblygu Dysgu ac Addysgu

A darperir cymorth gweinyddol gan y Ganolfan Datblygu Staff ac Ymarfer Academaidd.

Mae’r TUAAU yn unol â Fframwaith Safonau Proffesiynol y Deyrnas Unedig (UKPSF) ac fe’i cynlluniwyd ar gyfer staff sy’n dysgu ac yn cynorthwyo dysgu Addysg Uwch mewn amrywiaeth eang o gyd‐destunau, o ddarlithio a dysgu o bell i addysg oedolion.