Astudio'n Israddedig
Cyflwyniad
Mae cyfrifiaduron wedi treiddio i bob rhan o’n bywydau, ac mae Cyfrifiadureg yn chwilio am y syniadau newydd sydd wrth graidd caledwedd a meddalwedd cyfrifiadurol. Bydd myfyrwyr yn dechrau drwy ddysgu sut i raglennu a sut i gynllunio a datblygu systemau a meddalwedd cyfrifiadurol newydd. Gellir ystyried cyfrifiadureg naill ai’n wyddor neu’n ddisgyblaeth beirianyddol. Mae peirianwyr yn defnyddio egwyddorion gwyddonol, arferion proffesiynol gorau’r oes a’u dyfeisgarwch eu hunain i sicrhau’r ateb gorau posibl i broblem. Fel pwnc prifysgol, ac fel gyrfa, mae cyfrifiadureg a pheirianneg meddalwedd yn hwyl, yn heriol ac yn greadigol.
Cyrsiau sydd ar gael
- BSc Cyfrifiadureg
- BSc Cyfrifiadureg gyda Deallusrwydd Artiffisial
- BSc Deallusrwydd Artiffisial a Roboteg
- BSc Cyfrifiaduron Gwisgadwy a Symudol
- BSc Graffeg, Gweld a Gemau Cyfrifiadurol
- BSc Cyfrifiadureg y Rhyngrwyd
- BSc Technoleg Gwybodaeth Busnes
- BSc Cyfrifiadura Cod Agored
- BEng Peirianneg Meddalwedd
- BEng Peirianneg i’r Rhyngrwyd
- MEng Peirianneg Meddalwedd
- Graddau Cyfun a chyfuniadau Prif Bwnc/Is-bwnc