Myfyrwyr yr Adran yn Cyd-drefnu Gŵyl Lyfrau
Mae myfyrwyr sy’n dilyn y modiwl ‘Cyflwyniad i Gymraeg Proffesiynol’ yn yr Adran Gymraeg wedi trefnu gweithgareddau Cymraeg Gŵyl Lyfrau’r Brifysgol, a hynny fel prosiect arbennig y tymor hwn. Maent wedi ymateb i’r her yn frwdfrydig tu hwnt drwy lunio rhaglen atyniadol o sgyrsiau a pherfformiadau.
Llwyddiant yr Ŵyl Lyfrau
Mae myfyrwyr y modiwl ‘Cyflwyniad i Gymraeg Proffesiynol’ yn falch iawn o lwyddiant eu cyfraniad i Ŵyl Lyfrau’r Brifysgol eleni. Bu’r ymateb i’r gweithgareddau Cymraeg yn frwdfrydig iawn a derbyniodd y myfyrwyr ganmoliaeth am drefnu rhaglen mor amrywiol a bywiog.
Medal Aur i Adran y Gymraeg
Mae’r Adran wedi ennill y sgôr uchaf o blith holl adrannau’r Brifysgol yn ôl canlyniadau Arolwg Boddhad Myfyrwyr 2012 sydd newydd eu cyhoeddi.