Ymchwil yn yr Adran
Mae gan ymchwil le canolog yn yr Adran ac ar hyn o bryd mae tua thraean o’r holl gyllid sydd ar gael gan y Cyngor Cyllido yng Nghymru ar gyfer ymchwil mewn Astudiaethau Celtaidd (gan gynnwys y Gymraeg) yn dod yn uniongyrchol i’r Adran hon. Mae ymchwil y staff yn cwmpasu pob agwedd ar iaith a llên Cymru, o’r chweched hyd yr unfed ganrif ar hugain, yn ogystal â nifer o agweddau ar iaith a llên y gwledydd Celtaidd eraill. Mae’r rhan fwyaf o’r ymchwil yn yr Adran yn cael ei wneud gan staff fel ysgolheigion unigol. Gweler y ddewislen am ddiddordebau ymchwil y staff.
Dros y deng mlynedd ddiwethaf, fodd bynnag, mae’r Adran wedi derbyn grantiau am brosiectau cydweithredol megis ‘Ptolemy: Towards a Linguistic Atlas of the Earliest Celtic Place-Names of Europe’, ‘Gohebiaeth Carneddog a Rhai o’i Gyfoedion’ a ‘Gaulish Morphology with Particular Reference to Areas South and East of the Danube’.
Gweler yma am brosiectau ymchwil yr Adran.