Adolygiad PPPRS 2007

“…Mae’r dudalen hon yn ymwneud ag Adolygiad 2007 o’r Prosesau, Gweithdrefnau, Rheoliadau a Systemau Pwrcasu. Fel y mae’r teitl yn awgrymu, bydd yr adolygiad hwn yn pwyso a mesur yn fanwl y trefniadau prynu sydd ar waith ym Mhrifysgol Aberystwyth, gyda golwg ar newid, gwella a moderneiddio’r trefniadau er budd y Brifysgol ac er mwyn sicrhau gwerth am arian.

Mae Llywodraeth Cynulliad Cymru’n rhoi pwyslais mawr, fel rhan o’r agenda ‘Creu’r Cysylltiadau’, ar sicrhau arbedion ac effeithlonrwydd o ran pwrcasu ar draws sector cyhoeddus Cymru. Mae HEFCW’n ei gwneud yn ofynnol i’r Prifysgolion gyflawni amcanion Creu’r Cysylltiadau, gan gynnwys y targedau pwrcasu. Mae Polisi a Chynllun Gweithredu Pwrcasu Aberystwyth, a gymeradwywyd gan y Pwyllgor Ariannol a Chyffredinol ac sy’n cael ei asesu’n rheolaidd gan HEFCW o ran perfformiad, yn nodi bod angen cynnal adolygiad cynhwysfawr o arferion prynu’r Brifysgol ar sail targedau, gan geisio’u moderneiddio a sicrhau newid cadarnhaol. Felly, mae Mike Smith, y Rheolwr Pwrcasu, wedi datblygu proses yr Adolygiad o’r Prosesau, Gweithdrefnau, Rheoliadau a Systemau Pwrcasu (PPPRS).

Dyma aelodau’r tîm adolygu:    

Swydd	Aelod
Noddwr a Chyfarwyddwr y Rhaglen	Mike Smith
Cynrychiolydd Cyfadran y Celfyddydau	Kathleen Williams
Cynrychiolydd Cyfadran y Gwyddorau	Julian Evans Worthing
Cynrychiolydd Cyfadran y Gwyddorau Cymdeithasol	Roger Matthews
Cynrychiolydd y Swyddfa Ystadau	Joan Williams
Cynrychiolydd y Swyddfa Gyllid	Tegid Edwards
Cynrychiolydd y Gwasanaethau Preswyl	Alan Stephens
Cynrychiolydd IGER	Cameron Pope

Os oes gennych unrhyw gwestiynau am yr adolygiad neu os hoffech gyfrannu ato, cysylltwch â Mike Smith neu gynrychiolydd eich Cyfadran/Adran…”