Rheolaeth

Pwyllgorau sy'n Adrodd i'r Cyngor

1.       Pwyllgorau'r Cyngor

3.       Pwyllgor Datblygu Proffesiynol a Staffio

 

Cylch Gorchwyl y Pwyllgor Datblygiad Proffesiynol a Staffio

Bydd gan y Pwyllgor awdurdod dirprwyedig i ystyried a chymeradwyo’r canlynol:-

• Cynghori ar gyfeiriad strategol y swyddogaeth Adnoddau Dynol a Datblygu Staff;
• Ystyried y strategaethau AD a datblygu Staff a’r cynlluniau gweithredol sy’n sylfaen i’r strategaethau hyn; 
• Goruchwylio proses adolygu perfformiad y Brifysgol;
• Goruchwylio rhaglen datblygu staff y Brifysgol;
• Cynghori ar faterion sy’n ymwneud â chydnabod ac ymgynghori â’r Undebau Llafur;
• Cynghori ar strategaethau ymgysylltu â staff;
• Cynghori ar bolisïau a phrosesau dyrchafu staff; Cymeradwyo polisïau a gweithdrefnau AD a datblygu staff (ac eithrio’r 
   rhai a reolir drwy Statud e.e. Disgyblu, Cwyno, Diswyddo ac Adleoli;
• Derbyn data ar staffio megis lefelau staffio, trosiant, lefelau salwch, ystadegau ar y rhai sy’n cymryd rhan mewn
   hyfforddiant datblygu staff; 
• Goruchwylio’r camau gweithredol sydd i’w cymryd yng nghyswllt gweithredu’r Cytundeb Fframwaith a Dadansoddi Rolau
   Addysg Uwch;
• Cymeradwyo cofnodion cyfarfodydd undebau llafur, pwyllgorau penodiadau cyfnod prawf a phwyllgorau dyrchafiadau;

Bydd y Pwyllgor yn derbyn adroddiadau ar y canlynol: 

• Gwybodaeth am uwch benodiadau;

Bydd y Pwyllgor yn gwneud argymhellion parthed y canlynol, ond bydd hyn yn amodol ar gymeradwyaeth y Cyngor:

• Ystyried ceisiadau ar gyfer dyfarnu swyddi Emeritws a swyddi er anrhydedd;
• Absenoldeb byr;
• Newidiadau i bolisïau a gweithdrefnau a reolir drwy Statud, e.e. Disgyblu, Cwyno, Diswyddo ac Adleoli.

3. Aelodau’r Pwyllgor

Is-Ganghellor (Cadeirydd) – gall ddirprwyo i Ddirprwy Is-Ganghellor
Dirprwy Is-Gangellorion
3 aelod a benodir gan y Cyngor. Dylai un ohonynt fod yn aelod lleyg o’r Cyngor a dylai o leiaf un o’r tri fod â chefndir mewn AD/datblygu staff
3 aelod a benodir gan y Senedd, o blith ei aelodau

Cworwm

Mae angen chwech aelod o’r Pwyllgor i sicrhau bod y cyfarfod yn gwneud cworwm.

Yn bresennol i gyflwyno adroddiadau a chynghori’r Pwyllgor yn ôl y galw*:-

Cofrestrydd ac Ysgrifennydd
Cyfarwyddwr Adnoddau Dynol
Dirprwy Gyfarwyddwr Adnoddau Dynol
Cydlynydd GDSYA 
Ymgynghorydd Iechyd a Diogelwch
Ysgrifennydd y Pwyllgor
*Gall aelodau eraill o staff AD/GDSYA fynychu yn ôl yr angen.

5. Protocol gwneud penderfyniadau a’r weithdrefn adrodd yn ôl 

Bydd penderfyniadau’r Pwyllgor yn dod i rym ar unwaith lle mae ganddo awdurdod dirprwyedig. Cyflwynir cofnodion y Pwyllgor i’r Cyngor er gwybodaeth ac i gymeradwyo’r argymhellion sydd angen cadarnhad y Cyngor.

6. Awdurdod Dirprwyedig

Wrth weithredu ei awdurdod gall y Pwyllgor benderfynu dirprwyo awdurdod a chyfrifoldeb i’r Cadeirydd neu ddirprwy.

7. Amlder y Cyfarfodydd

Bydd y Pwyllgor yn cyfarfod pedair gwaith y flwyddyn.