Rheolaeth

Ordinhadau

Ordinhad 26

CYFLWYNO DARLLENYDDIAETHAU A CHADEIRIAU PERSONOL

1.  Personau sydd yn gymwys

1.1    Gall y Brifysgol gyflwyno teitl Athro neu Ddarllenydd i unigolyn a gyflogir gan y Brifysgol sydd yn aelod o’i staff academaidd.

2.  Meini Prawf Darllenyddiaethau a Chadeiriau Personol

2.1     Rhaid i ymgeiswyr am Ddarllenyddiaeth ddangos disgleirdeb eithriadol naill ai mewn ymchwil neu ddysgu/ profiad myfyrwyr neu arweinyddiaeth/ gweinyddu. Er mwyn i Ddarllenyddiaeth gael ei chyflwyno, rhaid i’r ymgeisydd ddangos eu bod yn bodloni’r meini prawf cyhoeddedig ar gyfer Darllenwyr a adolygir yn flynyddol i sicrhau eu bod yn parhau i adlewyrchu disgwyliadau’r Brifysgol. 

2.2  Mae’n rhaid i ymgeiswyr am Gadeiriau Personol ddangos disgleirdeb eithriadol naill ai mewn ymchwil neu ddysgu/ profiad myfyrwyr neu arweinyddiaeth/ gweinyddu. Er mwyn i Gadair Bersonol gael ei chylflwyno, rhaid i’r ymgeisydd ddangos eu bod yn bodloni’r meini prawf cyhoeddedig a adolygir yn flynyddol i sicrhau eu bod yn parhau i adlewyrchu disgwyliadau’r Brifysgol.
        
3.  Gweithdrefn Penodi
 
3.1    Bydd y Brifysgol yn gwahodd staff i nodi eu bwriad i gyflwyno cais unwaith y flwyddyn yn unol ag amserlen a gyhoeddir yn flynyddol. Pennir mentor i weithio gyda’r ymgeisydd, a fydd yn cyflwyno cais yn unol â’r amserlen gyhoeddedig.
 
3.2   Rhaid i ymgeiswr enwi dau ganolwr allanol.

3.3     Bydd yr Is-Ganghellor yn gofyn i Bennaeth yr Adran ac fe fydd yr ymgeisydd yn penderfynu ar enwau o leiaf chwech asesydd allanol sy’n arbenigwyr yn y ddisgyblaeth dan sylw. Bydd yr Is-Ganghellor yn dewis pedwar o leiaf ac yn gofyn am eu barn am yr achos o blaid dyrchafiad.

3.4    Bydd y panel Dyrchafiadau yn ystyried yr holl geisiadau sy’n dod i law yn unol â phroses recriwtio a dethol a bennir gan Grŵp Gweithredol y Brifysgol ar sail flynyddol.  
 
4.  Adrodd yn ôl
 
 Bydd y panel dyrchafiadau yn cyflwyno manylion y penodiadau i’r Pwyllgor Datblygiad Proffesiynol a Staffio ac yna i’r Cyngor er gwybodaeth.

Ordinhad 27

PENODI I GADEIRIAU A DARLLENYDDIAETHAU

1.      Personau sy’n gymwys

1.1    Gall y Brifysgol benodi unigolyn sydd yn gyflogedig gan y Brifysgol yn Athro neu’n Ddarllenydd.

1.2    Gwneir y penodiadau yn dilyn trefn gystadleuol o geisiadau a chyfweliadau.

2.      Meini Prawf Penodi i Gadeiriau a Darllenyddiaethau

2.1     Rhaid i ymgeiswyr am Gadair neu Ddarllenyddaieth ddangos disgleirdeb eithriadol naill ai mewn ymchwil neu ddysgu/ profiad myfyrwyr neu arweinyddiaeth/ gweinyddu yn erbyn y meini prawf cyhoeddedig.

3.      Trefn Penodi

3.1     Bydd Penel Penodi yn ystyried ceisiadau am swyddi a hysbysebwyd.

4.       Aelodau’r Panel Penodi

          Yr Is-Ganghellor (Cadeirydd)
          Un Dirprwy Is-Ganghellor
          Un aelod lleyg o’r Cyngor
          Pennaeth yr Adran dan sylw (neu un o’r Deoniaid wrth benodi Cadeirydd neu Bennaeth Adran)
          Dau gynrychiolydd allanol wrth benodi i Gadair, un cynrychiolydd allanol wrth benodi i Ddarllenyddiaeth
          Sylwedydd: gellir gwahodd un aelod hŷn o’r Adran dan sylw i fod yn bresennol yng nghyfarfod y Pwyllgor fel sylwedydd.

5.       Cylch Gorchwyl y Panel Penodi

Penodi i Gadeiriau a Darllenyddiaethau ar ôl proses gystadleuol o geisiadau a chyfweliadau.

6.       Adrodd yn ôl

Bydd y Panel Penodi yn cyflwyno manylion penodiadau i Gadeiriau a Darllenyddiaethau i’r Pwyllgor Datblygiad Proffesiynol a Staffio ac yna i’r Cyngor er gwybodaeth.