Y Neuadd Fwydd
Y neuadd fwyd yw ein bwyty cyffrous sydd wedi ennill gwobrau ac sydd i’w ganfod ar brif gampws Prifysgol Aberystwyth ar y llawr gwaelod ym Mhenbryn.
Mae’r Neuadd Fwyd yn amgylchedd cynnes a chyfeillgar; galwch heibio rhwng darlithoedd, dewch draw am ginio neu i ddianc am ychydig. Mae yno ddigon o le i eistedd; mae’n fan poblogaidd i fyfyrwyr gyfarfod, a byddai’n addas i gyfarfodydd bach anffurfiol, oherwydd y cyfuniadau byrddau mawr neu fach, a’r socedi trydan ar gyfer gwefru dyfeisiadau.
Lle i fwyta, ymlacio, gweithio a chwrdd â ffrindiau yn ein bwyty sydd newydd ei adnewyddu, sy’n ardal ddi-alcohol. Ceir amrywiaeth eang o opsiynau yn y Neuadd Fwyd i gyd-fynd â’ch anghenion. Os ydych chi’n dymuno cael rhywbeth nad yw i’w weld ar y fwydlen, holwch a bydd ein tîm o gogyddion yn hapus i weithio gyda chi.
Gallwch fwyta i mewn neu fynd â’r bwyd gyda chi, chi sydd i ddewis.
Nodwch fod yr holl brisiau a ddangosir yn y neuadd fwyd yn brisiau myfyrwyr ac nad yw Prifysgol Aberystwyth yn derbyn arian parod. Yn ogystal â thalu â cherdyn, gall cwsmeriaid ddefnyddio’u cerdyn Aber i dalu.
Bydd gwasanaethau’n amrywio y tu allan i oriau tymor Prifysgol. Amseroedd agor
Bwrdd y Pen-cogydd a gwasanaethau
Caiff yr holl fwydydd eu coginio’n ffres a’u paratoi ar y safle. Mae Prifysgol Aberystwyth yn ymrwymo i fwyd iach gan ddefnyddio cyflenwyr dibynadwy, ac mae’r bwydlenni’n cynnwys nifer o fwydydd sy’n deillio o blanhigion.
Mae Prifysgol Aberystwyth yn gymuned amlddiwylliannol, sy’n cynnwys myfyrwyr, staff ac ymwelwyr â gwahanol gredoau crefyddol a moeseg. Rydym yn ceisio sicrhau cig halal ar gyfer gwasanaethau penodol ac eitemau ar y fwydlen sy’n cyd-fynd â’n cydnabyddiaeth o anghenion amrywiol ein cwsmeriaid.
Mae croeso i chi sgwrsio â’n tîm cogyddion ynglŷn ag unrhyw alergenau neu ofynion dietegol a allai fod gennych chi.
- Crëwch eich brecwast eich hun rhwng dydd Llun a dydd Gwener 08.00-11.00. Yn dechrau ar £4.30
- Cinio o’r cerfdy dydd Llun i ddydd Gwener 12.00-14.00. Bwydlenni wythnosol
- £3.00 Pryd dyddiol gwerth da
- Ramen
- Dewisiadau fegan dyddiol
- Cawl cartref y dydd
- Bar salad wedi’i baratoi’n ffres
- Bwyd wedi’i goginio trwy archeb dydd Llun i ddydd Gwener 14.00-19.00. Bwydlen
Siop Goffi
Mae siop goffi’r Neuadd Fwyd yn cynnwys Starbucks ac mae ar agor saith diwrnod yr wythnos, dydd Llun i ddydd Gwener 08.00-19.00, dydd Sadwrn a dydd Sul 11.00-17.00. Mae’r siop goffi’n cynnig amrywiaeth o fyrbrydau, cacennau, melysion, creision a diodydd oer.
Llwythwch y cerdyn teyrngarwch i ddechrau casglu stampiau (magic stamp) i gael diod boeth am ddim.
- Cappuccino, Latté, Espresso, Frappuccino
- Sawl math gwahanol o de
- Siocled poeth
- Smŵddis
- Amrywiaeth eang o gynhyrchion bwyd cydio a mynd o £1.79 (myffins brecwast, pasteiod blasus)
- Tatws yn eu crwyn wedi’u paratoi’n ffres
- Amrywiaeth o panini, brechdanau a bagétau
- Pryd am fargen (dewis o frechdan, diod a naill ai ffrwyth, siocled neu greision) o £3.20
- Melysion
- Pwdin poeth y dydd
- Dewis o gacennau
- Ffrwyth
- Bwyd wedi’i goginio trwy archeb, Dydd Sadwrn a Dydd Sul 11.00-17.00 Bwydlen Penwythnos
Yr holl ffotograffau gan Darya koskeroglu