Ymweld â Ni
Diwrnodau Agored y Brifysgol
Os ydych chi’n ystyried gwneud cais i astudio yn IBERS, beth am ymweld â ni i ddysgu mwy?
Mae Prifysgol Aberystwyth yn cynnal Diwrnodau Agored ar gyfer darpar fyfyrwyr. Cofrestrwch ar-lein nawr i ddod i Ddiwrnod Agored y Brifysgol yn 2013 ac fe gewch raglen i’ch helpu cynllunio’ch ymweliad. Mae pob adran Prifysgol Aberystwyth yn cymryd rhan yn y diwrnodau agored hyn ac mae croeso i bawb sydd â diddordeb mewn astudio yn y Brifysgol. Ceir mwy o wybodaeth am Ddiwrnodau Agored y Brifysgol ar brif wefan y Brifysgol.
2013 Bydd dyddiadau Diwrnodau Agored y Brifysgol ar gael cyn hir!
Diwrnodau Ymweld ag IBERS
Os ydych chi eisoes wedi gwneud cais i astudio yn IBERS, cofrestrwch ar-lein nawr i ddod i un o’n Diwrnodau Ymweld â’r Adran.
Amcan ein Diwrnodau Ymweld yw rhoi ichi gipolwg manwl ar y radd rych chi wedi gwneud cais amdani. Yn ystod eich ymweliad cewch gyfle i fynd o gwmpas campws y Brifysgol gan gynnwys safleoedd llety, Undeb y Myfyrwyr, cyfleusterau chwaraeon, a’r llyfrgelloedd. Dyma ffordd ragorol i chi a’ch teulu gael profi bywyd yn yr Adran a’r Brifysgol.
Os oes gennych ofynion arbennig ynghylch eich ymweliad, fel parcio i’r anabl, byddem yn ddiolchgar petaech yn gallu rhoi gwybod inni ymlaen llaw. Os cewch broblemau wrth gofrestru, neu os oes gennych gwestiynau am ddiwrnodau ymweld, e-bostiwch Chantal Thomas: czt1@aber.ac.uk
Dyddiadau Diwrnodau Ymweld ag IBERS 2013
Dewiswch y dyddiad ymweld sy orau gennych o’r rhestr isod a chofrestrwch ar-lein nawr i sicrhau lle ichi.
- Dydd Mercher 30 Ionawr
- Dydd Sadwrn 16 Chwefror
- Dydd Mercher 20 Chwefror
- Dydd Sadwrn 2 Mawrth
- Dydd Mercher 13 Mawrth
- Dydd Mercher 20 Mawrth
Teithio a Llety
Mapiau a Gwybodaeth am Deithio
Costau Teithio
Bydd y Brifysgol yn cyfrannu at gostau teithio ymgeiswyr UCAS gan gynnwys 100% o gost tocynnau trenau neu fysiau dwyffordd cyffredin neu 20c y filltir yn y DU os ydych yn gyrru. Gellir llenwi a dychwelyd y ffurflenni costau yn ystod y Diwrnod Ymweld.
Methu â dod ar ddyddiadau’r Diwrnodau ymweld?
Os na allwch ddod ar y dyddiadau uchod, fe allwn drefnu i aelod o’r staff fynd â chi o gwmpas IBERS. Cysylltwch â Chantal Thomas yma: +44(0) 1970 621904 neu czt@aber.ac.uk am fanylion pellach.
