Ymchwil mewn Mathemateg a Ffiseg

"Cenhadaeth y Sefydliad yw cyflwyno ymchwil o safon fyd-eang yn y Gwyddorau Mathemategol a Ffisegol, gan adeiladu ar ei fri rhyngwladol ym maes Ffiseg Defnyddiau, Ffiseg y Gofod a Mathemateg a datblygu partneriaethau strategol â'r byd academaidd a diwydiant."

Gan fod y Sefydliad yn rhoi pwyslais mawr ar ymchwil, mae'n cynorthwyo tri grŵp mawr sy'n cystadlu yn flaenllaw ym maes gwyddoniaeth ar lefel fyd-eang.

• Mae grŵp Ffiseg Cysawd yr Haul yn astudio'r gadwyn o ddigwyddiadau sy'n arwain o'r Haul, drwy wynt yr haul, i atmosfferau ac arwynebau'r planedau.
• Yn yr Ymchwil i Ddefnyddiau, cymhwysir technegau arbrofol uwch ar y cyd â gwaith modelu mathemategol a chyfrifiannol i daflu goleuni ar y cysylltiadau hollbwysig sy'n penderfynu ar briodweddau fel llif hylifol, toriad, ymdoddi, dargludedd ac allyrru goleuni mewn defnyddiau fel hylifau, ewyn, gwydr, serameg, lled-ddargludyddion, nanoronynnau a ffilmiau tenau.
• Mae'r diddordebau ymchwil mewn Mathemateg yn rhychwantu maes eang sy'n cynnwys dadansoddi, modelu mathemategol, systemau cwantwm agored a chyfuniadaeth algebraidd.

Mae'r ymchwilwyr ym mhob grŵp yn ymwneud â chynlluniau cydweithio ehangach ac maent yn bartneriaid gweithgar yn y Ganolfan Uwch-Ddefnyddiau ac Uwch-Ddyfeisiau Swyddogaethol (CAFMaD) a Sefydliad Gwyddorau Cyfrifiadurol a Mathemategol Cymru (WIMCS).

Mae'r adran hefyd yn cynnal Seminarau Ymchwil.