Cadw ac Adfer Ffeiliau

Systemau a reolir gan y Gwasanaethau Gwybodaeth

Mae'r Gwasanaethau Gwybodaeth, ar ran y Brifysgol, yn cynnal copïau wrth gefn diogel o ffeiliau a gedwir ar systemau a reolir gan y Gwasanaethau Gwybodaeth yn unol â'r polisi gwneud copïau wrth gefn ac archifo data.

Er mwyn cydymffurfio â deddfwriaeth diogelu data, mae'r Gwasanaethau Gwybodaeth yn cadw'r copïau wrth gefn hyn am y cyfnodau amser cyfyngedig canlynol: 

System Storio	Cyfnod Cadw	Cyfarwyddiadau adfer
Gyriannau personol (gyriant M)	90 diwrnod	Gofyn i’r Gwasanaethau Gwybodaeth adfer
Gyriannau a rennir	90 diwrnod	Cyfarwyddiadau adfer hunanwasanaeth
CALM	18 mis	Dim adfer ar gael
Gyriant D/Bwrdd Gwaith Cyfrifiadur Cyhoeddus	7 diwrnod

Mae ffeiliau a gedwir mewn datrysiadau trydydd parti (e.e. Panopto, Office 365) yn ddarostyngedig i'r cytundebau ar wahân, penodol canlynol.  

System	Cyfnod Cadw	Cyfarwyddiadau adfer
Blackboard
Eitemau wedi’u dileu o e-bost Office 365	93 diwrnod	Cyfarwyddiadau adfer hunanwasanaeth
Eitemau wedi’u dileu o OneDrive Office 365	93 diwrnod	Cyfarwyddiadau adfer hunanwasanaeth
Sgyrsiau Teams Office 365
Eitemau wedi’u dileu o SharePoint	93 diwrnod	Cyfarwyddiadau adfer hunanwasanaeth
Recordiau Zoom	90 diwrnod

Gyriannau caled corfforol 

Nid yw'r Gwasanaethau Gwybodaeth yn argymell eich bod yn storio dogfennau ar yriannau caled neu yriannau USB. Os gwnewch chi, dylech sicrhau eich bod yn gwneud copïau wrth gefn yn rheolaidd ac nad ydych yn dibynnu ar un copi.

Os ydych chi’n colli gwaith neu ffeiliau cysylltiedig â’ch astudiaethau o yriant caled, gan gynnwys gyriannau caled allanol a gyriannau cof pin efallai y bydd modd adfer y rhain. Mae'n rhaid i’r gyriant caled fod yn gweithio. Cysylltwch â'r Gwasanaeth Gwybodaeth i ofyn am hyn.