E-ddysgu ym Mhrifysgol Aberystwyth
Ym Mhrifysgol Aberystwyth, rydym yn ymroddedig i ddefnyddio technoleg gwybodaeth a chyfathrebu yn briodol fel ffordd o wella mynediad at ddysgu a gwella ansawdd ac effeithiolrwydd y profiad o ddysgu ac addysgu.
Mae amrywiaeth eang o gymorth ar gael ar gyfer offer e-ddysgu a darlithwyr. Rydym yn darparu deunyddiau hyfforddi, cyrsiau ac ymgynghoriadau un-i-un i staff sy’n defnyddio AberDysgu Blackboard neu offer e-ddysgu eraill yn rhan o’u dysgu a’u hymchwil. Mae Cwestiynau Cyffredin a thaflenni cymorth ar gael hefyd i fyfyrwyr sy’n defnyddio e-ddysgu yn eu cyrsiau.
Gellir cysylltu â Thîm Blackboard trwy ddefnyddio bb-team@aber.ac.uk a dylid anfon unrhyw ymholiadau eraill am e-ddysgu i is-alto@aber.ac.uk.
AberDysgu Blackboard
Un o’r prif ffyrdd y mae’r Gwasanaethau Gwybodaeth yn cefnogi dysgu ac addysgu trwy gyfrwng technoleg yw trwy AberDysgu Blackboard. Mae AberDysgu Blackboard yn Amgylchedd Dysgu Rhithwir sy’n rhoi mynediad i ddeunyddiau cwrs, cyhoeddiadau ac offer rhyngweithiol megis byrddau trafod, blogiau, wicis a phodlediadau. Mae AberDysgu Blackboard ar gael i’r holl ddefnyddwyr cofrestredig (staff a myfyrwyr) a gellir mynd iddo trwy borwr Gwe safonol ar http://blackboard.aber.ac.uk.
Addysgu trwy gyfrwng Technoleg
Mae’r Tîm E-ddysgu yn ymwneud ag amrywiaeth eang o weithgareddau i gefnogi addysgu trwy gyfrwng technoleg. Yn 2007 gwnaethom gymryd rhan yn rhaglen Meincnodi E-ddysgu yr Academi Addysg Uwch (mae’r blog o weithgareddau a wnaed ar gael ar http://benchmarking.aber.ac.uk/) a rhwng 2008 a 2010 buom yn gweithio ar y prosiect Gwella.
Mae’r Tîm E-ddysgu wedi bod yn rhan o gyflwyno nifer o systemau newydd i gefnogi dysgu ac addysgu trwy gyfrwng technoleg, gan gynnwys Questionmark Perception (ar gyfer asesu ar-lein), AberCast (ar gyfer recordio darlithoedd), System bleidleisio ryngweithiol Qwizdom a SafeAssign (ar gyfer canfod ac atal llên-ladrad). Rydym yn gweithio’n agos â’r Ganolfan Datblygu Staff ac Ymarfer Academaidd, yn arbennig trwy’r rhaglen TUAAU.
Mae’r Tîm hefyd yn gyfrifol am weithredu Strategaeth E-ddysgu’r Brifysgol.
Rhagor o wybodaeth
