Myfyrwyr Dysgu Gydol Oes

Y Gwasanaethau Gwybodaeth (GG) sy’n gyfrifol am ddarparu gwasanaethau llyfrgell, cyfrifiaduron a chyfryngau i Brifysgol Aberystwyth.

Mae gan bob myfyriwr Dysgu Gydol Oes sydd wedi cofrestru ar hyn o bryd hawl i ddefnyddio’r llyfrgell, e-bost ac adnoddau cyfrifiadurol yn y Brifysgol, yn amodol ar Reoliadau a Chanllawiau’r Gwasanaethau Gwybodaeth. 

I ddefnyddio ein hadnoddau bydd yn rhaid i chi gael cyfrif e-bost Prifysgol Aberystwyth a cherdyn Aber.

Cerdyn Aber

Mae eich cerdyn Aber yn eich galluogi i

• fenthyca o’r llyfrgell gan gynnwys defnyddio’r peiriannau hunanfenthyca
• argraffu a llungopïo

Ceir rhagor o fanylion am fanteision eraill eich cerdyn Aber a sut mae gwneud cais am un ar weddalen Cerdyn Aber.

Cyfrif e-bost

Mae eich cyfrif e-bost yn eich galluogi i ddefnyddio

• E-bost y Brifysgol
• Cyfrifiaduron yn y llyfrgelloedd a’r ystafelloedd cyfrifiaduron ledled y campws
• Ffynonellau gwybodaeth electronig e.e. elyfrau, egyfnodolion
• Storfa ffeiliau rwydweithiol i wneud copïau wrth gefn o’ch gwaith
• Eich cyfrif llyfrgell i edrych ar wybodaeth am eich benthyciadau

Bydd modd i chi gychwyn eich cyfrif e-bost Prifysgol yn fuan cyn i’ch cwrs ddechrau trwy http://www.inf.aber.ac.uk/advisory/cymraeg/faq/14/ .Bydd arnoch angen eich rhif myfyriwr a gallwch gael hwn o’r Swyddfa Gyffredinol Dysgu Gydol Oes.

Ond, os na wnaethoch chi roi’ch dyddiad geni ar eich ffurflen gofrestru ni fydd modd i chi gychwyn eich cyfrif ar-lein, bydd yn rhaid i chi ymweld â’r Ddesg Gwasanaeth Cwsmeriaid, gan ddod â rhyw fath o lun i brofi pwy ydych chi, er mwyn i ni allu eich helpu i gychwyn eich cyfrif.

Ar ôl i chi gychwyn eich cyfrif byddai’n ddefnyddiol iawn pe gallech roi rhywfaint o wybodaeth diogelwch i ni er mwyn i ni allu cadarnhau pwy ydych chi os bydd arnoch angen cymorth o bell.

Primo (adnoddau electronig)

• Mae’r Gwasanaethau Gwybodaeth yn tanysgrifio i amrywiaeth eang o ffynonellau gwybodaeth ar-lein gan gynnwys e-gyfnodolion ac e-lyfrau sydd hefyd ar gael oddi ar y campws. Mae’r rhain ar gael drwy Primo http://primo.aber.ac.uk
• Ceir cyfarwyddiadau ar gyfer defnyddio’r adnoddau hyn oddi ar y campws yn ein Cwestiwn Cyffredin ar ddefnyddio e-adnoddau oddi ar y campws

Adnoddau’r llyfrgell

• Mae Primo – catalog y llyfrgell ar gael ar y campws ac oddi arno ar: http://primo.aber.ac.uk
•  Bydd yn rhaid i chi fewngofnodi â'ch eich enw defnyddiwr a chyfrinair y Brifysgol i ddefnyddio eich cyfrif llyfrgell er mwyn i chi allu cadw llyfrau neu’u hadnewyddu ar-lein.
• Ceir gwybodaeth am ddefnyddio llyfrgelloedd y Brifysgol a benthyca o’n casgliadau ar ein gweddalennau Llyfrgell
• Yn ogystal â defnyddio llyfrgelloedd y Brifysgol gallwch hefyd ddefnyddio adnoddau llyfrgell mewn llyfrgelloedd eraill.

Storfa ffeiliau

Mae holl fyfyrwyr Prifysgol Aberystwyth yn cael 2GB o storfa ffeiliau ar ein rhwydwaith i wneud copïau wrth gefn o’u ffeiliau. Gallwch gysylltu â’r storfa ffeiliau hon o unrhyw gyfrifiadur sydd wedi’i gysylltu â’r Rhyngrwyd – hyd yn oed os nad ydych chi ar y campws. Mae hyn yn rhoi lle diogel i chi gadw eich ffeiliau a chaiff copïau wrth gefn eu gwneud yn rheolaidd gan y Gwasanaethau Gwybodaeth. Ceir rhagor o wybodaeth am y storfa ffeiliau sydd ar gael i chi ar ein gweddalen Storfa Ffeiliau

Ymweld â’r campws

Mae’r gwasanaethau canlynol ar gael i chi pan fyddwch yn ymweld â’r campws:

• Llyfrgelloedd
• Argraffu a Llungopïo  
• Cyfrifiaduron (PA yn unig)
• Rhwydwaith diwifr