Ystafelloedd astudio unigol a grŵp

Carelau Astudio

Mae nifer cyfyngedig o garelau ar gael yn llyfrgelloedd Hugh Owen a Thomas Parry i uwchraddedigion ymchwil sydd angen lle i wneud defnydd helaeth o ddeunyddiau’r llyfrgell. Mae gan y carelau hyn socedi er mwyn i chi allu cysylltu’ch cyfrifiadur â rhwydwaith y Brifysgol.

Ceir rhai carelau yn Llyfrgell y Gyfraith hefyd. Mae uwchraddedigion y Gyfraith yn cael blaenoriaeth dros y carelau hyn, ond os nad ydynt wedi cael eu harchebu gall uwchraddedigion o adrannau eraill eu harchebu ar yr un telerau ag uchod. Os oes carelau yn dal i fod ar gael yn Llyfrgell y Gyfraith, gall unrhyw fyfyriwr eu harchebu ar sail wythnosol – sef £2.50 yr wythnos a chodir tâl o £20 am yr allwedd, sy’n cael ei ad-dalu. Mae’n rhaid talu costau llawn os ydych yn colli allwedd.

Cost defnyddio’r carelau ar hyn o bryd yw £10.00 y mis a chodir tâl o £20.00 am yr allwedd, ond caiff yr arian hwn ei ad-dalu. Mae’n rhaid talu costau llawn - £25 - os ydych yn colli allwedd.

Yn ychwanegol ceir dwy garel ar Lefel F, Llyfrgell Hugh Owen gyda chyfrifiaduron y gall unrhyw fyfyriwr eu llogi’n ddyddiol ar sail y cyntaf i’r felin .Codir blaendal o £5 am yr allwedd, sy’n cael ei ad-dalu, a rhaid talu costau llawn os collir allwedd.

Gwnewch gais yn y Ddesg Ymholiadau yn Hugh Owen neu yn y Ddesg Wybodaeth yn Thomas Parry. O ganlyniad i alw mawr yn ystod rhai adegau o’r flwyddyn, efallai y bydd yn rhaid aros rhywfaint tan y bydd carel ar gael.

Carel Cerdyn Gwyrdd

Mae carel ar gael yn Llyfrgell y Gyfraith i ddefnyddwyr cerdyn gwyrdd cofrestredig. Mae’r carel yn cynnwys cyfrifiadur a desg gymwysadwy. Nid oes raid archebu o flaen llaw a chewch ddefnyddio’r ystafell ar sail y cyntaf i’r felin.

Ystafelloedd astudio i grwpiau

Hugh Owen – Mae ardaloedd astudio ffrynt gwydr ar gael rhwng y carelau ar lawr F yn Llyfrgell Hugh Owen a rhoddir blaenoriaeth i grwpiau astudio yn hytrach nag unigolion. Nid oes raid archebu. Cofiwch mai ond astudio grŵp tawel sy’n cael ei ganiatáu yn yr ystafelloedd astudio hyn. Nid yw’r ystafelloedd hyn yn medru gwrthsefyll sain.

Thomas Parry – Mae ystafell astudio i grwpiau ar gael, sy’n cynnwys cyfrifiadur a thaflunydd. Gellir archebu’r ystafell yn y ddesg ymholiadau. Noder, os hoffech ddefnyddio’r taflunydd, bydd yn rhaid i chi roi rhybudd o flaen llaw i ni er mwyn i ni allu ei osod i chi.

Ystafell Joy Welch

Mae’r ystafell hon, ar Lefel E, Llyfrgell Hugh Owen, yn dal i fyny hyd at 15 o bobl. Gellir ei harchebu drwy’r Tîm Gwasanaethau Cwsmeriaid yn Llyfrgell Hugh Owen