Diwrnod Adfer ar ôl Argyfwng TGCh

Dyddiadau’r Diwrnodau Adfer ar ôl Argyfwng TGCh:

Cynhelir y Diwrnod Argyfwng nesaf ddydd Iau 5 Ionawr 2012.

Mae profion 2012 yn hanfodol er mwyn sicrhau bod ein staff, os digwydd yna drychineb, wedi eu hyfforddi ac yn medru adfer gwasanaethau mor effeithiol ac effeithlon ag sy’n bosib. 

Dydd Sadwrn 7ed Ionawr
Er mwyn achosi cyn lleied o anghyfleustra ag sy’n bosib i ddefnyddwyr, byddwn yn profi systemau Gwybodaeth Busnes (AStRA, QL, Cyborg ayb) ar ddydd Sadwrn, Ionawr 7ed yn hytrach nag ar ddydd Iau, Ionawr 5ed. Fodd bynnag, bydd yna rywfaint o darfu ar systemau am gyfnodau ar  fore Iau’r 5ed tra bo’r rhwydwaith yn cael ei adfer, ond mi ddylai fod yn bosibl i ddefnyddio’r systemau heb unrhyw darfu o hanner dydd ymlaen ar y diwrnod hwnnw. Ni fydd y systemau hyn ar gael i ddefnyddwyr ar ddydd Sadwrn, Ionawr 7ed ac dydd Sul 8fed

Beth yw Diwrnod Adfer ar ôl Argyfwng y Gwasanaethau Gwybodaeth?

Mae’n bwysig profi i weld a yw staff y Gwasanaethau Gwybodaeth yn barod i ymdopi pe bai drychineb yn digwydd a fyddai’n amharu ar ein gwasanaethau TG. Felly unwaith y flwyddyn, rydym yn rhoi prawf ar ein cynlluniau drwy efelychu problem argyfyngol.

Er mwyn sicrhau y byddwn yn tarfu cyn lleied â phosib ar ein defnyddwyr, byddwn bob tro yn cynnal y prawf yn y cyfnod ar ôl y Nadolig pan fydd llai o ddefnyddwyr gweithredol nag ar unrhyw adeg arall yn y flwyddyn. Argymhellwn eich bod yn cadw’r wybodaeth hon mewn cof wrth gynllunio’ch gwaith gan y bydd y prawf yn tarfu’n sylweddol ar ein gwasanaethau cyfrifiadurol a chyfathrebu ar y diwrnodau hynny.

Am ragor o wybodaeth, gweler y cyflwyniad a roddwyd gan y Cyfarwyddwr Cynorthwyol Tim Davies i’r adran Gyfrifiadureg drwy’r ddolen gyswllt isod:
http://abercast.aber.ac.uk/Panopto/Pages/Viewer/Default.aspx?id=82e33c6b-1411-475a-b38f-241dfe8f0043