Mwy o Lyfrau

23/04/2013

Hyd yn hyn maeymgrych Mwy o Lyfrau’r Gwasanaethau Gwybodaeth wedi archebu 180 Mwy o Lyfrau yr ydych wedi gwneud cais amdanynt ac wedi gwario £4,533.88 yn ychwanegol.

 

Rhowch wybod i ni am y llyfrau sy’n anodd cael gafael arnynt – gallwn wedyn weld os gallwn eu prynu. Gwnewch gais am eich llyfr trwy gyfrwngffurflen archebu Mwy o Lyfrau sydd ar lein. Am wybodaeth pellach am y gwasanaeth hwn, gweler http://www.aber.ac.uk/cy/is/library/morebooks/

Grant gan yr Ymddiriedolaeth Genedlaethol Cadwraeth Llawysgrifau

15/04/2013

Yn ystod y misoedd diwethaf mae'r Brifysgol wedi derbyn grant o £ 4.4k gan yr Ymddiriedolaeth Genedlaethol Cadwraeth Llawysgrifau. O ganlyniad bydd modd cynnal gwaith cadwriaethol ac atgyweirio ar nifer o lawysgrifau sydd ym meddiant Gwasanaethau Gwybodaeth. Mae’r rhain yn cynnwys cyfres o ddeuawdau gan gyfansoddwyr  o’r 18fed ganrif, gan gynnwys Salieri, Guglielmi, Martini a Pignotti, sy’n ffurfio rhan o gasgliad cerddoriaeth pwysig George Powell o Nanteos a adawyd yn ddiweddarach i'r Brifysgol. O ganlyniad i’r grant bydd modd hefyd cynnal gwaith cadwriaethol ar gopi ymarfer  "Oh Spiritual Pilgrim"  a gyfansoddwyd gan Gustav Holst ar gyfer Gŵyl Gregynog 1933 ac sydd wedi ei lofnodi ganddo.

Digwyddiad Rhanbarthol y Gymdeithas e-Asesu. e-Assessment: A Question of Design, Aberystwyth, Ebrill 22, 10:15-16:45

05/04/2013

Mae’n bleser gennym gyhoeddi digwyddiad arbennig a gynhelir ym MhA fel rhan o gyfres o weithdai rhanbarthol o dan nawdd y Gymdeithas e-Asesu

* Dyddiad: 22 Ebrill, 10:15-16:45
* Lleoliad: Canolfan Gynadledda MedRus, Campws Penglais

Mae'r Gymdeithas e-asesu yn disgrifio'r digwyddiad fel a ganlyn: "Mae'r digwyddiad hwn yn rhoi cyfle i chi ymestyn eich gweledigaeth o'r hyn sy'n bosibl, yn gweld sut y gall ystod heriol o dasgau asesu gael eu gwireddu ar lwyfannau e-asesu cyffredin a chyfredol.  Byddwn hefyd yn cynnal cyfres o sesiynau ar lunio cwestiynau, gan gynnwys cydweithio, adborth ag hygyrchedd. "

Bydd yna digon o gyfle ar gyfer gwaith ymarferol. Argymhellir y digwyddiad ar gyfer  holl aelodau staff sy'n ymwneud ag unrhyw agwedd ar e-asesu.

Am fwy o wybodaeth ac i archebu lle, gweler http://jump.aber.ac.uk/?vxbr

Croeso i bawb. Gobeithio eich gweld chi yno.

Newydd ym mis Ebrill: Cengage InfoTrac Newsstand

27/03/2013

 

 

 

Mae myfyrwyr a staff Prifysgol Aberystwyth ar fin cael mynediad ar-lein i 2,500 o bapurau newydd a chylchgronau ar blatfform Cengage InfoTrac Newsstand trwy gyfrwng consortiwm prynu Cymru gyfan.

Bydd y gwasanaeth sy’n cychwyn ar Ebrill 1af ar gael trwy gyfrwng http://librarywales.org/cy/adnoddau-ar-lein/ a bydd yn disodli ein mynediad presennol i NewsBank. Os gwelwch yn dda cysylltwch â llyfrgellwyr y Gwasanaethau Academaidd - acastaff@aber.ac.uk - os oes gennych unrhyw gwestiynau.

Diwrnod Trwyn Coch

14/03/2013

 

Dydd Gwener, Mawrth 15fed – Diwrnod Trwyn Coch a byddwn yn rhoi cyfle ichi  gyfrannu eich dirwyon Llyfrgell i Comic Relief yn hytrach na’u talu i ni!

Rhaid i’r cyfraniadau fod mewn arian parod yn unig (yn anffodus ni allwn dderbyn cyfraniadau elusennol trwy gyfrwng cardiau credyd nag arlein) a rhaid galw heibio  un o Ddesgiau  Ymholiadau’r Llyfrgell.  Paham na  fanteisiwch ar y cyfle i glirio eich dirwyon a chodi arian at achos da ar yr un pryd.

Dewch i weld ein harddangosfa sy’n dathlu’r menywod cyntaf ym Mhrifysgol Aberystwyth

07/03/2013

Dewch i gael cipolwg ar y menywod cyntaf ym Mhrifysgol Aberystwyth a’r rhan a chwaraewyd ganddynt i wneud PA yr hyn ydyw heddiw. Dewch i weld pryd bu menywod yn astudio gyntaf ym MhA a phwy oedd ein Prifathro benywaidd cyntaf.

Lleolir yr arddangosfa yng nghefn Llyfrgell Hugh Owen ar Lefel E - mynediad i fyny’r grisiau sy’n arwain o gyntedd Adran y Gyfraith.

Clowch eich cyfrifiadur pan nad ydych yn ei ddefnyddio

01/03/2013

Dylech gloi eich cyfrifiadur pan nad ydych yn ei ddefnyddio er mwyn rhwystro eraill heb awdurdod ei ddefnyddio.

I gloi eich cyfrifiadur:

• Pwyswch ar y fysell Windows a gwasgwch y fysell L unwaith.

 

I ddatgloi eich cyfrifiadur:

• Gwasgwch Ctrl, Alt a Delete a rhowch y cyfrinair a ddefnyddir i fewngofnodi i’r cyfrifiadur

I osod eich cyfrifiadur i gloi’n awtomatig wedi iddo fod yn segur am gyfnod byr gweler: http://www.inf.aber.ac.uk/advisory/faq/156/

 

Rhaid ichi sicrhau nad oes modd i eraill heb awdurdod ddefnyddio’r cyfrifiadur a ddefnyddir gennych ym MhA

Mwy o Lyfrau

15/02/2013

Rhowch wybod i ni am y llyfrau sy’n anodd cael gafael arnynt – gallwn wedyn weld os gallwn eu prynu. Gwnewch gais am eich llyfr trwy gyfrwngffurflen archebu Mwy o Lyfrau sydd ar lein. Am wybodaeth pellach am y gwasanaeth hwn, gweler http://www.aber.ac.uk/cy/is/library/morebooks/

Mwy o Barthau Astudio Tawel yn Llyfrgell y Gyfraith

08/02/2013

Mewn ymateb i bryderon myfyrwyr ynglŷn â swn yn Llyfrgell y Gyfraith, mae’r parth Astudio Tawel yn Llyfrgell y Gyfraith wedi ei ymestyn.

Sgiliau Astudio ar gyfer Ôl-raddedig

05/02/2013

Mae’r Rhaglen Arferion Astudio Ôl-raddedig yn ail-gychwyn ar ddydd Mercher, Chwefror 13eg yn cynnig cyflwyniadau ar ysgrifennu, cyfathrebu a sgiliau gwybodaeth.

 

Gweler y rhaglen lawn a chofrestrwch ar lein: http://jump.aber.ac.uk/?qct

Ymholidau? E-bostiwch ni ar: sgiliau-astudio@aber.ac.uk

Gweithio’n gallach: Sgiliau Astudio ar gyfer myfyrwyr. Cofrestrwch yn awr!

25/01/2013

Mae’r Rhaglen Ymarferion Astudio Israddedig yn cynnig cyflwyniadau ac adnoddau ar-lein ar ysgrifennu, cyfathrebu a sgiliau gwybodaeth. Gweler y rhaglen lawn a chofrestrwch ar lein.