Gwybodaeth Modiwlau

Prif amcan y modiwl hwn yw cyflwyno i fyfyrwyr brif brosesau ecolegol planhigion, anifeiliaid a dadelfeniad o fewn cymunedau calchfaen ar y Burren. Bydd y modiwl hefyd yn ystyried sut mae llystyfiant a phriddoedd wedi datblygu ers diwedd yr Oes Ia Dyfneintaidd, ryw 10,000 o flynyddoedd yn ol. Archwilir cymunedau planhigion ac anifeiliaid i weld sut y gellir ymestyn y system Dosbarthiad Llystyfiant Cenedlaethol (National Vegetation Classification, NVC) ar gyfer Prydain Fawr i ddiffinio cymunedau planhigion yn Iwerddon. Archwilir nifer o fathau o olyniaeth ecolegol a chynhyrchir modelau i ddangos cydberthynasau rhwng y cymunedau gwahanol ac oddi mewn iddynt, yn ogystal a'r paramedrau microamgylcheddol cysylltiedig. Ystyrir hefyd y gwahanol ffyrdd y mae dulliau ffermio modern wedi newid y tirwedd, a'r strategaethau mwyaf priodol ar gyfer diogelu'r enghreifftiau gorau o dirweddau Gwyddelig goroesol ynghyd a'r hystod unigryw o gydberthynasau planhigol. Bydd casglu a dadansoddi data o'r maes, a'r cynnwys mewn cyfres o adroddiadau a fydd yn cael eu hasesu, yn rhan fawr o'r modiwl. Dysgir y modiwl yng Nghanolfan Maes Prifysgol Galway, Carron, Co. Clare.

Elfen fawr o'r modiwl fydd archwilio'r ffactorau hynny sy'r cyfyngu ar ledaeniad detholiad o blanhigion uwch, anifeiliaid, mwsoglau, cennau a ffyngau. Bydd hyn yn cynnwys astudiaeth ar ffactorau microhinsoddol, priodweddau isbriddoedd a rhyngweithiadau troffig. Bydd yr olaf o'r rhain yn ymdrin a chystadleuaeth mewn perthynas a chystadleuaeth am olau, d'r a maetholion.

• Archwiliad o gymunedau planhigol y Burren gyda phwyslais ar gyfansoddiad ac ecoleg:
a) cymunedau calchbalmant b) cymunedau celli c) cymunedau glaswelltir calchaidd, rhostir, hafn a chors;
• Astudiaeth ar gytrefu ac olyniaeth mewn celli ac ar galchbalmantau. Archwilir datblygiad cymunedau planhigol sy'r gysylltiedig a nodweddion ar y palmantau hyn (pyllau toddiad, pantiau, cornentydd, rhigolau a greiciau) mewn perthynas a ffactorau microdopograffigol a microhinsoddol. Bydd hyn yn cynnwys archwiliad o brif nodweddion morffolegol ac atgynhyrchiol y brif rywogaethau i ddarganfod sut y gallent fod yn dra addasedig i'r cynefinoedd.
• Cydberthynasau rhwng mathau gwahanol o briddoedd a chymunedau planhigion.
• Rol anifeiliaid mewn dadelfeniad a llysysoriaeth.
• Ecoleg ffyngau saprotroffig a mycorhisal.
• Materion cadwraeth a rheolaeth o fewn Parc Cenedlaethol y Burren.
• Cyflwyniad i micro-lysddaearyddiaeth.
• Prosiect ar gymuned neu fosaic llystyfiant penodol, neu gr'r penodol o blanhigion.