Gwybodaeth i Ddarpar Fyfyrwyr Uwchraddedig

Gwybodaeth i Fyfyrwyr Uwchraddedig Newydd 2012/13

Llongyfarchiadau ar gael eich derbyn i Brifysgol Aberystwyth, rydym ni’n edrych ymlaen at eich croesawu ar gyfer y flwyddyn academaidd newydd. Mae’r tudalennau canlynol wedi’u rhoi at ei gilydd i’ch helpu chi i ymgartrefu a gwneud y gorau o’ch profiad fel myfyriwr uwchraddedig yn Aberystwyth. 

Rydym ni wedi rhoi’r holl wybodaeth fydd ei hangen arnoch chi mewn llyfryn cyfleus, a dylech chi dderbyn hwn yn y post cyn i chi gyrraedd. Bydd ar gael arlein yma yn fuan. 

Am y tro, cliciwch ar y dolenni a bydd yr wybodaeth yn ymddangos. Cliciwch eto i guddio’r cynnwys.

• Ymsefydlu

  Pan oeddech chi’n fyfyriwr israddedig efallai i chi alw hyn yn Wythnos y Glas neu Ymgyfarwyddo. Mae gan fyfyrwyr uwchraddedig hefyd wythnos ar ddechrau’r Semester ar gyfer Cofrestru a gweithgareddau sydd wedi’u cynllunio i’ch cyflwyno chi i’r Brifysgol, eich Adran a thref Aberystwyth. Mae amserlen y digwyddiadau yn dechrau ddydd Llun 24 Medi 2012 ac mae i’w gweld ar y dudalen Rhaglenni Ymsefydlu Graddedigion.

  Llun 24 Medi: 2yh - 5yp	Ymsefydlu Gorfodol i Uwchraddedigion Ymchwil
  Mawrth 25 Medi: 9.30yb - 1yp	Ymsefydlu Gorfodol i Uwchraddedigion Trwy Gwrs
  Iau 27 a Gwener 28 Medi: 9yb - 5yp	Gweithdai Uwchraddedigion: Gweithdy deuddydd gorfodol i fyfyrwyr PhD blwyddyn gyntaf

• Wythnos Groeso i Uwchraddedigion

  I’r rheini yn eich plith sy’n newydd i Aberystwyth, bob blwyddyn ar ddechrau’r tymor rydym ni’n cynnal Wythnos Groeso i fyfyrwyr newydd. Yn ogystal â chwblhau Cofrestru ac Ymsefydlu, mae’r Wythnos Groeso yn gyfle i gwrdd â ffrindiau newydd, cwrdd â chydweithwyr newydd a chlywed pa gymorth cymdeithasol, chwaraeon ac academaidd sydd ar gael i chi. Edrychwn ymlaen at eich croesawu i Brifysgol Aberystwyth gan obeithio y byddwch chi’n mwynhau eich cyfnod gyda ni. Gallwch lawrlwytho Lyfryn yr Wythnos Groeso  y llynedd a bydd llyfryn 2012 ar gael ym mis Awst.

• Cofrestru

  Cyn y gellir eich adnabod fel myfyriwr llawn amser neu ran amser yn y Brifysgol mae angen i chi gwblhau’r broses cofrestru ar ddechrau’r sesiwn academaidd. Dim ond yn Aberystwyth y gellir gwneud hyn a dylid ei wneud yn ystod yr Wythnos Groeso. Bydd rhaid i chi gyfarfod â staff yn eich adran academaidd eich hun ac â staff mewn unrhyw adran sy’n gyfrifol am fodiwlau yr ydych yn dymuno cofrestru arnynt. Ar gyfer myfyrwyr ymchwil, mae hyn yn golygu bod rhaid i chi gyfarfod â staff yn Ysgol y Graddedigion os oes rhaid i chi ymgymryd â modiwlau hyfforddiant ymchwil, neu os dymunwch wneud hynny.

  Bydd staff yn eich adran(nau) academaidd yn eich helpu chi i ddewis eich modiwlau. Unwaith y bydd gennych yr holl fodiwlau a’r gymeradwyaeth adrannol angenrheidiol, bydd gofyn i chi gwblhau eich cofrestru arlein. Er mwyn cofrestru, rhaid eich bod wedi cwblhau’r broses derbyn a rhoi eich cyfrif ebost Prifysgol Aberystwyth ar waith.

  Gellir cofrestru drwy’r ‘Cofnod Myfyriwr’ dan ‘Eich Safleoedd’ ar y we yn www.aber.ac.uk/cy/student. Gallwch gofrestru o unrhyw Ystafell Gyfrifiadura yn y Brifysgol neu ddefnyddio eich cyfrifiadur eich hun wedi’i gysylltu â rhwydwaith y Brifysgol. Pan fyddwch chi’n mewngofnodi i’ch cofnod dylech glicio ar y botwm ‘Cofrestru’ dan ‘Tasgau’. Yna cewch eich arwain drwy’r broses a fydd yn gofyn i chi gadarnhau eich Manylion Personol, Cyfeiriadau, Cynllun Astudio a Modiwlau. Ar ôl i chi gwblhau eich proses gofrestru, byddwch yn derbyn ebost yn cadarnhau. Bydd gwybodaeth bellach ynglŷn â chyfarfod â’ch adran academaidd yn cael ei hanfon atoch chi a bydd rhagor o fanylion ar gael yn fuan ar wefan y Swyddfa Academaidd www.aber.ac.uk/academicoffice/postgraduate/index.shtml

  Os oes gennych chi unrhyw gwestiynau yn ymwneud â Chofrestru Uwchraddedig, cysylltwch â’r Swyddfa Academaidd drwy ebost pgsstaff@aber.ac.uk. Mae’n bwysig hysbysu eich adran academaidd a’r Swyddfa Academaidd os nad ydych chi’n gallu cofrestru yn ystod yr Wythnos Groeso. Nodwch os nad ydych chi’n cwblhau’r broses gofrestru byddwch yn cael eich atal rhag defnyddio cyfleusterau'r Brifysgol.

  Mae eich astudiaethau uwchraddedig yn Aberystwyth yn dechrau gyda Chofrestru a rhaid i bob myfyriwr llawn amser newydd fod yn bresennol. Y Swyddfa Academaidd sy’n goruchwylio Cofrestru a cheir dyddiadau ac amseroedd penodol i bob Adran. Ceir rhagor o fanylion ar y Dudalen Cofrestru Uwchraddedigion. Nodwch fod rhaid i chi gwblhau’r broses dderbyn cyn Cofrestru. Os nad ydych chi wedi derbyn cadarnhad eich bod yn barod i gofrestru, cysylltwch â’r Swyddfa Derbyn Graddedigion.

• Myfyrwyr Rhyngwladol

  Cynhelir Croeso i Fyfyrwyr Rhyngwladol 2012 Dydd Sul 23 Medi am 11am gyda chyflwyniadau’n dechrau am 11.30. Gweinir cinio yn dilyn y cyflwyniadau na ddylai fod yn hirach nag awr.

  Gwirio dogfennau:

  Dydd Llun 24 Medi hyd at Ddydd Gwener 28 Medi

  Dewch â’ch dogfennau i’r Ganolfan Croesawu Myfyrwyr ar gampws Penglais yn ystod wythnos gyntaf y tymor. Mae ein staff yma i’ch cynorthwyo ag unrhyw ymholiadau. Rydym ni’n gweithredu cynllun cywiro fisas ac yn cynnig cymorth parhaus drwy gydol cyfnod eich astudiaethau.

  Yn ôl Rheoliadau Mewnfudo, rhaid i rai myfyrwyr rhyngwladol gofrestru â’r orsaf heddlu leol. Rydym ni wedi trefnu i'r Heddlu fod ar y campws i wneud hyn mor hwylus â phosibl. Bydd gwybodaeth bellach yn cael ei rhoi i chi yn ystod y Seremoni Croeso Ryngwladol ddydd Sul.

  Rhaglen Gymdeithasol y Myfyrwyr Rhyngwladol

  Teithiau bws, teithiau cerdded, digwyddiadau hunan-arweiniad drwy gydol yr wythnos gyntaf. O gestyll i reilffyrdd stêm, bydd cyfle i chi gael blas o’r hyn sydd gan Aberystwyth a Chymru i’w gynnig, a chyfarfod a myfyrwyr newydd eraill. Cadwch olwg ar www.aberguild.co.uk am restr lawn o’r teithiau sydd ar gael yn ystod yr Wythnos Groeso.

• Cyrraedd Aberystwyth

  Mae’n bwysig eich bod chi’n gwirio sut i gyrraedd Aberystwyth er mwyn i chi allu cynllunio eich taith. Cliciwch yma am wybodaeth am fapiau a theithio.

• Llety

  Os ydych chi wedi dewis byw mewn preswylfa a gynhelir gan y Brifysgol, dyma’r amseroedd a’r lleoliadau i chi gasglu eich allwedd.

  Pryd ddylwn i gyrraedd?

  Mae’r rhan fwyaf o weithgareddau croesawu ac ymsefydlu yn dechrau ddydd Sadwrn 21 Medi. I’r sawl y mae’n fwy cyfleus iddyn nhw deithio ar y dydd Gwener, bydd rhai gweithgareddau croeso ar raddfa fach hefyd ar gael. Mae hyn yn cynnwys derbyniadau yn Undeb y Myfyrwyr ac mewn neuaddau preswyl. Gweler y wefan i gael rhagor o wybodaeth.

  Casglu Allweddi: i fyfyrwyr sydd wedi sicrhau lle mewn eiddo a reolir gan y Brifysgol

  I gasglu allwedd eich ystafell ewch i dderbynfa’r neuadd briodol fel y rhestrir isod ar y dyddiadau a’r amserau canlynol:

  Gwener 21 Medi o 10am – 6pm

  Neuaddau glan môr: Derbynfa Pumlumon

  Brynderw: Brynderw

  Neuadd Alexandra: Neuadd Alexandra

  Pantycelyn: Derbynfa Pantycelyn

  Penbryn: Derbynfa Penbryn

  Cwrt Mawr, Rosser a Trefloyne: Lolfa Rosser

  Pentre Jane Morgan: Bloc Cyfleusterau Pentre Jane Morgan

  O 6pm Gwener 21 Medi i 8am Sadwrn 22 Medi

  Neuaddau glan môr, Brynderw, Neuadd Alexandra: Derbynfa Pumlumon

  Pantycelyn: Derbynfa Pantycelyn

  Penbryn: Derbynfa Penbryn

  Cwrt Mawr, Rosser a Trefloyne: Lolfa Rosser bloc D

  Pentre Jane Morgan: Bloc Cyfleusterau Pentre Jane Morgan

  O 9am-6pm Sadwrn 22 Medi

  Neuaddau glan môr: Derbynfa Pumlumon

  Brynderw: Brynderw

  Neuadd Alexandra: Neuadd Alexandra

  Pantycelyn: Derbynfa Pantycelyn

  Penbryn: Derbynfa Penbryn

  Cwrt Mawr, Rosser a Trefloyne: Lolfa Rosser bloc D

  Pentre Jane Morgan: Bloc Cyfleusterau Pentre Jane Morgan

  O 6pm Sadwrn 22 Medi ymlaen

  Neuaddau glan môr: Derbynfa Pumlumon

  Brynderw: Derbynfa Pumlumon

  Neuadd Alexandra: Derbynfa Pumlumon

  Pantycelyn: Derbynfa Preswylfa Bloc Cymunedol Cwrt Mawr

  Penbryn: Derbynfa Preswylfa Bloc Cymunedol Cwrt Mawr

  Cwrt Mawr, Rosser a Trefloyne: Derbynfa Preswylfa Bloc Cymunedol Cwrt Mawr

  Pentre Jane Morgan: Derbynfa Preswylfa Bloc Cymunedol Cwrt Mawr

  Bydd staff ar gael i gynnig cyngor ac arweiniad yn y preswylfeydd. Bydd digwyddiadau croeso arbennig hefyd yn cael eu trefnu yn y preswylfeydd.

  Swyddfa Llety

  Dros y Penwythnos Croesawu bydd y Swyddfa Llety ar agor o 10am tan 10pm ddydd Gwener 21 Medi a dydd Sadwrn 22 Medi a 10am – 6pm ddydd Sul 23 Medi.

  Ar ôl 8am dydd Llun 24 Medi, rhaid casglu pob allwedd preswylfa o, a’i dychwelyd i

  Y Swyddfa Llety yn ystod oriau swyddfa arferol (9am - 5.30pm).

  Yn ystod y tymor mae’r Swyddfa Llety ar agor yn ystod oriau swyddfa ac mae i’w chanfod yn Nerbynfa Penbryn. Mae’r Swyddfa hon yn rhoi cymorth a chyngor i chi ar bopeth sy’n ymwneud â llety myfyrwyr. Os nad ydych chi eisoes wedi gwneud cais am lety neu wedi trefnu lle i fyw, yna dylech wneud hynny cyn gynted ag y bo modd drwy gysylltu â’r Swyddfa Llety. I gael rhagor o wybodaeth fanwl am ein gwasanaethau, ewch i www.aber.ac.uk/residential/cy/accommodation (gweler y Rhestr Cysylltiadau ).

  Parcio a Dadlwytho

  Yn ystod y penwythnos symud i mewn cewch barcio ar y campws, heb drwydded, ar gyfer dadlwytho. I’r rheini ohonoch sy’n teithio i Gampws Penglais, bydd aelodau o staff ar y safle i’ch helpu i barcio. Cadwch olwg am y cyfarwyddiadau manwl a anfonir atoch o’r Swyddfa Llety ddechrau mis Medi i sicrhau fod eich taith yma mor hwylus ag y bo modd.

• Cerdyn Aber ac Ebost

  Er mwyn defnyddio’r gwasanaethau llyfrgell, cyfrifiadura a chyfryngau ym Mhrifysgol Aberystwyth, mae angen i chi gael cyfrif ebost a Cherdyn Aber. Byddwch yn gallu rhoi eich cyfrif ebost ar waith ac ymgeisio am eich cerdyn cyn cyrraedd y Brifysgol. Os ydych  chi wedi cwblhau’r broses ymgeisio byddwch yn derbyn cyfarwyddiadau drwy ebost ar gyfer gwneud hynny gan y Gwasanaethau Gwybodaeth. Am ragor o fanylion ewch i dudalen Cerdyn Aber ac Ebost.

• Undeb y Myfyrwyr

  Caiff digwyddiadau eu trefnu gan Undeb y Myfyrwyr hefyd a bydd gwybodaeth lawn am y rhain ar gael maes o law.

• Gweithgareddau Adrannol

  Adran	Dyddiad	Lleoliad	Amser	Gweithgaredd
  Celf	26 Medi 2012	Ystafell 206, yr Ysgol Gelf	2yp	Cinio Croeso i Uwchraddedigion
  	26 Medi 2012	Ystafell 206, yr Ysgol gelf	3.15yp	Cyflwyniad i strwythur y cwrs a dosbarthu deunyddiau ymsefydlu
  Y Gwyddorau Biolegol, Amgylcheddol a Gwledig	Manylion i’w cadarnhau
  Cyfrifiadureg	Manylion i’w cadarnhau
  Cymreag	27 Medi 2012	I'w gadarnhau	7yp	Noswaith Groeso
  Addysg a Dysgu Gydol Oes	Manylion i’w cadarnhau
  Saesneg ac Ysgrifennu Creadigol	27 Medi 2012	D59, Adeilad Hugh Owen	3yp	Sesiwn Ymsefydlu MA
  	27 Medi 2012	D59, Adeilad Hugh Owen	4yp	Sesiwn Ymsefydlu PhD a MPhil
  	27 Medi 2012	Cynteddfa'r Adran	5yp	Digwyddiad Croesawu uwchraddedigion
  Ieithoedd Ewropeaidd	Manylion i’w cadarnhau
  Daearyddiaeth a Gwyddorau Daear	Manylion i’w cadarnhau
  Hanes a Hanes Cymru	Manylion i’w cadarnhau
  Astudiaethau Gwybodaeth	Manylion i’w cadarnhau
  Gwleidyddiaeth Ryngwladol	24 Medi 2012	Y Brif Neuadd, Adeilad Gwleidyddiaeth Ryngwladol	9.15yb - 12.15yp	Ymsefydlu Uwchraddedigion
  	24 Medi 2012	Ystafell y Gorllewin, Adeilad Gwleidyddiaeth Ryngwladol	2yp - 5yp	Cynghori Meistr a Chofrestru
  	24 Medi 2012	Y Brif Neuadd, Adeilad Gwleidyddiaeth Ryngwladol	6yp - 7yp	Derbyniad Cas a Gwin
  Cyfraith a Throseddeg	Manylion i’w cadarnhau
  Rheolaeth a Busnes	Manylion i’w cadarnhau
  Mathemateg a Ffiseg	Manylion i’w cadarnhau
  Y Sefydliad Gwyddorau Dynol: Seicoleg	24 Medi 2012	Penbryn 5	9yb - 10yb	Croeso'r Adran seicoleg
  	27 Medi 2012	Penbryn 5	1yp	Goroesi mewn Seicoleg
  	27 Medi 2012	Penbryn 5, Atriwm	3yp - 4.30yp	Digwyddiad Cymdeithasol (Te prynhawn)
  Y Sefydliad Gwyddorau Dynol: Gwyddor Chwaraeon ac Ymarfer Corff	24 Medi 2012	10.00 - 11.00: Croeso a thaith o’r Adran (Ystafell F27 Adeilad Carwyn James (CJB) 11.00 - 12.00 Cyflwyniad i’r flwyddyn a sesiwn holi (F27 CJB) 12.00 - 13.00 Cyflwyniad i Ddatblygu Gyrfa (F27 CJB) 14.00 - 15.00 Taith o’r Campws (dewisol) 15.00 - 16.00 Cyfarfod â Thiwtoriaid Personol 16.00 - 17.00 Coffi a lluniaeth	10yb - 5yp	Diwrnod Cyflwyno 1
  	25 Medi 2012	Ymsefydlu Msc Trwy gwrs	9.30yb - 1yp	Diwrnod Cyflwyno 2
  	27 Medi 2012	11.00 - 12.30 Iechyd a Diogelwch (G17 yn CJB) 12.30 - 13.30 Gweinyddiaeth MSc (G!& CJB) Taith o’r Llyfrgell ac Ymsefydlu (Llyfrgell Hugh Owen) Te Prynhawn (Penbryn 5 Atriwm)	11yb - 4.30yp	Diwrnod Cyflwyno 3
  Astudiaethau Thear, Ffilm a Theledu	25 Medi 2012	MedRus (Theatr), Penbryn	2yp - 5yp	Ymsefydlu Uwchraddedigion
  	25 Medi 2012	I'w gadarnhau	7.30yp	Digwyddiad Cymdeithasol uwchraddedigion

• Telerau ac Amodau

  Fel amod cofrestru, bydd yn ofynnol i’r holl fyfyrwyr ddilyn ac ufuddhau i weithdrefnau Rheolau, Rheoliadau a Gwybodaeth i Fyfyrwyr y Brifysgol. Caiff y rhain eu diwygio’n flynyddol a’u cylchredeg i’r holl fyfyrwyr.  Gellir gwneud cais am gopi o’r Rheolau, Rheoliadau a Gwybodaeth i Fyfyrwyr gan y Swyddfa Recriwtio a Derbyn (01970 622021).