Ysgoloriaethau Graddedigion Aberystwyth

Blwyddyn derbyn 2013

Angen cymorth i ariannu’ch cwrs Meistr yn 2013?

Mae’r ysgoloriaeth hon ar gael i raddedigion Aberystwyth (o wledydd Prydain, yr Undeb Ewropeaidd, ac yn fyfyrwyr Rhyngwladol) sy’n cofrestru am raglenni Meistr a Dysgir drwy Gwrs, MPhil ac LLM drwy Ymchwil yn 2013.

I raddedigion a gafodd Anrhydedd dosbarth  2:1 neu 2:2, bydd yr ysgoloriaeth werth 10% o ffioedd y cynllun Meistr arfaethedig.

I raddedigion a gafodd Anrhydedd dosbarth Cyntaf, bydd yr ysgoloriaeth werth 20% o ffioedd y cynllun Meistr arfaethedig.

Nid oes angen gwneud cais am yr Ysgoloriaeth gan y bydd yn cael ei chyfrif yn awtomatig a’i rhoi ar waith pan fyddwch yn talu’ch ffioedd.

Pwy all eu cael?

• Rhaid i ymgeiswyr fod wedi graddio o Brifysgol Aberystwyth.
• Mae graddedigion Prifysgol Aberystwyth sy’n hanu o wledydd Prydain, gweddill yr Undeb Ewropeaidd ac sydd yn fyfyrwyr Rhyngwladol yn cael gwneud cais.
• Rhaid i’r ymgeiswyr fod yn eu hariannu eu hunain yn gyfan gwbl. (Sylwer bod ymgeiswyr a ariennir drwy Fenthyciadau Datblygu Gyrfa neu Fenthyciadau Ffederal yr Unol Daleithiau yn cyfrif fel rhai hunan-ariannu).
• Mae’r cyrsiau perthnasol yn cynnwys cyrsiau Meistr a Ddysgir drwy Gwrs, ac MPhil ac LLM drwy Ymchwil.
• Mae’r ysgoloriaethau yn cynnwys pob dull astudio (amser-llawn, rhan-amser a dysgu o bell).

Eithriadau:

• Nid yw myfyrwyr sy’n cael ysgoloriaethau neu fwrsariaethau eraill yn gallu cael yr ysgoloriaethau hyn.
• Nid yw ymgeiswyr sy’n aelodau o staff yn cael yr ysgoloriaethau hyn.
• Nid yw’r cyrsiau Ymarfer y Gyfraith (LPC) na Thystysgrif Addysg i Raddedigion wedi’u cynnwys yn y cynllun hwn.

Sylwer: mae’r cynllun hwn yn disodli’r Gostyngiad Abergrad ac fe’i hadolygir bob blwyddyn.