Cyhoeddiadau
Uwchraddedig
Hanes
Cafodd Hanes ei ddysgu yn Aberystwyth ers sefydlu'r Brifysgol yn 1872. Mae'r Adran yn un o'r rhai mwyaf yn y Brifysgol, ac y mae diddordebau ymchwil y staff yn ymestyn ar draws yr amrediad cronolegol a daearyddol llawn, o gyfnod y Rhufeiniaid i faterion gwleidyddol cyfoes, ac o Gymru i Brydain i America, Ffrainc a Rwsia. Bu haneswyr fel Richard Cobb, R.R. Davies, Gwynne Lewis, R.F. Treharne a Gwyn Alf Williams yn arloesi ym maes diddordebau hanes cymharol, mewn 'hanes oddi isod', ac adeiladu gwladwriaethau yn Ynysoedd Prydain a Ffrainc yn Aberystwyth. Mae cenhedlaeth newydd o haneswyr wedi ychwanegu at ddiddordebau ymchwil yr adran mewn meysydd fel hanes y cyfryngau, diwylliant gwleidyddol, Iddewon yn y byd lle siaredir Saesneg, y werin yn y byd canoloesol, chwaraeon, hanes merched a rhywedd, hanesyddiaeth a defnyddio technegau cyfrifiadurol i astudio'r gorffennol.