Cyhoeddiadau
Uwchraddedigicon.gif)
Ysgol Uwchraddedig Gwleidyddiaeth Ryngwladol
Fel canolfan ymchwil o'r radd flaenaf, rydym yn rhoi pwyslais arbennig ar gynnal Ysgol o safon uchel i Raddedigion. Rydym wedi ymrwymo swm sylweddol o'n harian adnoddau i hyn o ran ysgoloriaethau ymchwil ac adnoddau eraill megis cyfrifiaduron ac adnoddau swyddfa. O ganlyniad, mae ein Ysgol i Raddedigion yn llwyddiannus ac yn ffynnu. Un peth amlwg sy'n dangos hyn yw nifer y graddedigion sydd gennym - ar hyn o bryd mae tua 120 o fyfyrwyr o tua 40 gwlad. Mae'n beth hynod braf bod ein graddedigion (sydd â graddau Meistr neu Ddoethur) wedi bod yn llwyddiannus iawn wrth ddod o hyd i waith mewn amryw o feysydd gwahanol.
Un ffon fesur o enw da'r Adran yw ein bod wedi bod yn gyson lwyddiannus yng Nghystadleuaeth Ysgoloriaeth Ymchwil Uwchraddedig y Brifysgol. Ond nid yw ein llwyddiant wrth ddenu gwobrau wedi'i gyfyngu i Brifysgol Cymru yn unig. Mae'r Adran hefyd wedi bod yn llwyddiannus wrth dderbyn gwobrau gan y Cyngor Ymchwil Economaidd a Chymdeithasol, sef y prif gorff ariannu yn y DU i'r gwyddorau cymdeithasol. Bu'r llwyddiant hwn ar lefel doethuriaeth a gradd Meistr.