Cyhoeddiadau
Uwchraddedig
Teacher Training
Fe welwch o'r prosbectws hwn ein bod yn cynnig cyrsiau blwyddyn, amser llawn am gymhwyster Tystysgrif Addysg i Raddedigion (TAR) ar gyfer athrawon tri grwp oedran: Blynyddoedd Cynnar, Cynradd Hyn, ac Uwchradd. Cydnabyddir bod TAR yn gymhwyster sy'n rhoi statws athro cymwysedig i'r rheiny sydd am ddysgu yng Nghymru a Lloegr. Fe'i derbynnir hefyd mewn llawer o wledydd eraill fel cymhwyster i'ch gallogi i gael swydd ddysgu yno. Cadwch mewn cof y byddwch yn dod â llawer o'r sgiliau yr ydych ei angen i fod yn athro/athrawes gyda chi i'r cwrs TAR, a'r hyn y gallwn ni ei wneud yw eich helpu i ddefnyddio'r sgiliau hynny i ddysgu ac ymestyn eich dealltwriaeth er mwyn i chi allu dysgu'n effeithiol. Os ydych yn barod, ar ôl darllen y prosbectws hwn, i wneud cais i fynd ar un o'n cyrsiau TAR, gyrrwch eich ffurflen gais cyn gynted ag y bo modd. Os hoffech gael gair â rhywun am y posibilrwydd o wneud cwrs TAR, ewch i'r rhestr cysylltiadau yng nghefn y prosbectws a chysylltwch â'r aelod o'r staff sy'n fwyaf tebygol o allu'ch helpu.