• Adref »
• Sicrwydd Ansawdd »
• Nodiadau Trosglwyddo i Ddeoniaid y Cyfadrannau »
• 8.0 Cyfrifoldeb (tudalen tri)

Mae'r Swyddfa Astudiaethau Uwchraddedig yn Adeilad Cledwyn ac mae'r Deoniaid yn cydweithio'n agos â'r Cyfarwyddwr ar faterion yn ymwneud â hyfforddiant ymchwil i fyfyrwyr uwchraddedig, monitro cynnydd myfyrwyr ymchwil ayyb. Mae'r Deoniaid a'r Cyfarwyddwr yn aelodau o Grwp Gweithredu'r Strategaeth Uwchraddedig, sy'n monitro'r Strategaeth Uwchraddedig o dan Strategaeth Ddysgu ac Addysgu P.C.A.

8.2  Ymddygiad Annheg

Yn unol â'r rheoliadau ar ymddygiad annheg, mae gan y Deoniaid swyddogaeth fonitro pan fo myfyrwyr yn dewis i baneli adrannol ymdrin â'u hachosion yn hytrach na bod Pwyllgor Archwilio'r Brifysgol yn gwneud hynny. Mae'n rhaid i adrannau sicrhau cymeradwyaeth y Deon i unrhyw gosb a roddir am ymddygiad annheg a bydd y Deoniaid yn adrodd yn ôl yn flynyddol i'r Pwyllgor Materion Academaidd ar achosion o fewn eu Cyfadran.

8.3  Cwynion Gan Fyfyrwyr

O dan Drefn Gwyno y Brifysgol, dylai myfyrwyr geisio datrys unrhyw gwynion ar y lefel briodol isaf bosibl. Os nad yw'n bosibl datrys cwynion o fewn yr adran, bydd pennaeth yr adran yn anfon gwaith papur yr achos ymlaen at y Deon perthnasol, a fydd yn dod i benderfyniad ar y gwyn, naill ai ar sail y dystiolaeth ar bapur neu drwy gyfweld y sawl y mae'r gwyn yn ymwneud â hwy, neu drwy sefydlu panel i ystyried y gwyn.

8.4  Aelodaeth o Gyrff Allanol

Disgwylir i'r Deoniaid fod yn aelodau o gyrff allanol cynrychioliadol megis Pwyllgor Deoniaid Gwyddoniaeth y DU, a mynychu cyfarfodydd addas o'r pwyllgorau hyn i gynrychioli P.C.A. ac i drafod materion â chydweithwyr o sefydliadau eraill.

8.5  Gwella Safon Addysgu

Mae'r Deoniaid yn rhan o weithgareddau sydd â'r nod o wella safon addysgu, megis y gwobrau blynyddol am Ragoriaeth mewn Addysgu.

8.6  Cronfa Gooding

Mae Deon y Gwyddorau yn rheoli'r gronfa hon ac yn cymeradwyo ceisiadau gan staff Cyfadran y Gwyddorau (a myfyrwyr ymchwil o bryd i'w gilydd) am arian i fynychu cynadleddau.

8.7  Staff Ategol

Mae gan Swyddfa'r Deoniaid un ysgrifennydd amser llawn ac un rhan-amser, a chaiff y swyddfa ei rheoli gan yr Ysgrifennydd Academaidd drwy gyfrwng y Cynorthwy-ydd Gweinyddol. Mae'r cymorth gweinyddol a ddarperir yn cynnwys trefnu cyfarfodydd gyda'r Deoniaid, cadw ffeiliau'r myfyrwyr a mynychu a chymryd cofnodion mewn cyfarfodydd â myfyrwyr anfoddhaol. Bydd Ysgrifenyddion y Cyfadrannau yn cynorthwyo ar faterion sy'n ymwneud â'r Cyfadrannau

Yn ystod wythnos gyntaf y tymor, fel rhan o drefniadau cyflwyno glasfyfyrwyr, bydd y Deoniaid yn annerch myfyrwyr israddedig newydd. Mae hyn yn gyfle iddynt sôn am strwythur cynlluniau gradd a sut y mae cynghori'n gweithio, amlinellu'r trefniadau ar gyfer newid cofrestriad, a disgrifio swyddogaeth Swyddfa'r Deoniaid. Bydd y Deoniaid hefyd yn disgrifio'r gofynion ar gyfer cynnydd academaidd boddhaol (mynychu dosbarthiadau, cyflwyno gwaith cwrs yn brydlon a chwrdd â holl ofynion eraill eu cynlluniau, fel y'u disgrifir yn llawlyfrau'r adrannau). Yn olaf, gall y Deoniaid roi cyngor ar beth i'w wneud os aiff pethau o le, a thrafod y gweithdrefnau i roi gwybod am fyfyrwyr anfoddhaol a gweithredu'n eu herbyn.

7.1.2  Myfyrwyr Uwchraddedig Newydd

Bydd y Deoniaid hefyd yn rhoi anerchiad byr i fyfyrwyr uwchraddedig newydd fel rhan o broses gyflwyno'r myfyrwyr uwchraddedig, gan ddisgrifio disgwyliadau'r Gyfadran a dull gweithredu Pwyllgorau Monitro Ymchwil y Cyfadrannau.

7.1.3  Cyngor Cyffredinol ar Gofrestru

Caiff myfyrwyr sydd eisiau cyngor am eu cynlluniau astudio neu eu cynnydd academaidd eu cyfeirio at y Deon os na ellir ateb eu hymholiadau o fewn eu hadran.

7.1.4  Newid Cofrestriad

Caiff ffurflenni Newid Cofrestriad Modiwlau i Israddedigion eu cydlofnodi gan y Deoniaid o dan yr amgylchiadau canlynol:

• Newid Modiwl: ar ôl 4 wythnos (Rhan 1), ar ôl 3 wythnos (Rhan 2)
• Newid Gradd: ar ôl 4 wythnos o'r semester
• Newid Cyfadran: o ddechrau'r semester

7.1.5  Perfformiad mewn Arholiadau

Gall Byrddau Arholi'r Cyfadrannau dynnu sylw at y myfyrwyr hynny y mae eu perfformiad yn achosi pryder difrifol ac y bu cyfradd eu presenoldeb hefyd yn wael, a gallant wahodd adrannau i hysbysu eu Deon eu bod yn fyfyrwyr anfoddhaol fel y gellir cynnig cymorth iddynt neu weithredu cyn diwedd y sesiwn.

7.1.6  Cynnydd Anfoddhaol

Yn ôl y trefniadau a gymeradwywyd gan y Senedd i ymdrin â myfyrwyr y mae eu cynnydd yn anfoddhaol, cyfrifoldeb y Deon yw penderfynu beth i'w wneud (gweler Rheoliad Academaidd ar Gynnydd Academaidd, sy'n amgaeëdig). Y weithdrefn arferol yw i adrannau gyflwyno Ffurflen Myfyriwr Anfoddhaol i'r Deon. Yna bydd y Deon yn cyfweld y myfyriwr (gydag ysgrifennydd yn cymryd nodiadau), yn rhoi gwybod i'r adran ac yn ysgrifennu at y myfyriwr i roi gwybod pa amodau (os unrhyw amodau) y bydd yn rhaid iddo'u cwrdd. Gall yr amodau hyn amrywio o orfod mynychu pob dosbarth i osod ‘cyfnod prawf'. Os bydd y Deon yn penderfynu diarddel y myfyriwr, bydd yn rhoi gwybod i'r Cofrestrydd a bydd Swyddfa'r Deoniaid yn sicrhau y cymerir yr holl gamau angenrheidiol. Pan fo gan fyfyrwyr broblemau meddygol, ariannol neu broblemau eraill bydd y Deoniaid yn eu cyfeirio at yr aelodau o staff a fydd yn gallu rhoi'r cyngor priodol iddynt.

7.1.7  Tynnu'n ôl dros dro

Rhaid i fyfyrwyr sy'n ystyried tynnu'n ôl dros dro fynd i weld Cyfarwyddwr y Gwasanaethau Cymorth i Fyfyrwyr a Phennaeth eu Hadran a gofyn iddynt lofnodi'r ffurflenni priodol cyn eu cyflwyno i'r Deon, a fydd fel arfer yn cymeradwyo'r cais i dynnu'n âl ond a allai benderfynu hefyd ei fod am gyfweld y myfyriwr cyn llofnodi'r ffurflen tynnu'n âl.

7.2  Seremonïau Graddio

Bydd y Deoniaid yn cyflwyno darpar raddedigion eu Cyfadrannau yn yr wyth Cynulliad Graddio a gynhelir ym mis Gorffennaf bob blwyddyn. (Cyhoeddir fformiwla Cymraeg ar gyfer pob grwp.) Caiff dyddiadau'r seremonïau eu cyhoeddi'n flynyddol yn y rhestr dyddiadau a bydd y Swyddfa Academaidd yn cysylltu â'r Deoniaid yn ystod y flwyddyn ynghylch eu rhan yn y seremonïau.

7.3  Paneli Penodi

Mae'r Deoniaid yn aml yn rhan o, a weithiau'n cadeirio, paneli penodi staff academaidd ac aelodau eraill o staff. Caiff y rhain eu trefnu gan y Swyddfa Bersonél. Mae gan y Deoniaid swyddogaethau eraill o ran staffio: y gystadleuaeth Uwch-Ddarlithyddiaeth flynyddol, dyrchafiadau i ddarllenyddiaethau a chadeiriau personol, a phwyllgorau penaethiaeth adrannau.

Mae'r Deoniaid yn aelodau o'r Pwyllgor Staffio ar gyfer y gystadleuaeth flynyddol a byddant yn cyflwyno ymgeiswyr o'u Cyfadrannau a hefyd yn rhoi adborth i ymgeiswyr aflwyddiannus. Mae dehongli a gwerthuso ceisiadau am Uwch-Ddarlithyddiaethau yn dasg sylweddol i'r Deoniaid wrth iddynt baratoi am y ddau gyfarfod arbennig o'r Pwyllgor Staffio yn ystod Tymor y Pasg pan benderfynir ynghylch dyrchafiadau.

7.3.2  Darllenyddiaethau

Er mai'r Pwyllgor Staffio sy'n ystyried ceisiadau am ddarllenyddiaethau, bydd y Deoniaid yn cydweithio â'r Dirprwy Is-Gangellorion a'r pennaeth adran perthnasol wrth enwebu canolwyr allanol.

7.3.3  Cadeiriau Personol

Mae'r Deoniaid yn aelodau o'r Pwyllgor Cadeiriau Personol.

7.3.4  Swyddi Pennaeth Adran

Gall y Deoniaid gynrychioli'r Senedd ar bwyllgorau dethol ar gyfer swyddi pennaeth adran.