Canllawiau ar Gyfer Adolygu Cyfnodol 2011-12

2. Safbwyntiau Allanol

  1. Dylai’r Adran atodi adroddiadau arholwyr allanol ar ei rhaglenni dros y ddwy flynedd ddiwethaf i’w hadroddiadau hunanwerthuso, ynghyd â chofnod o drafodaethau’r Adran ar yr adroddiadau yn ei Phwyllgor Dysgu ac Addysgu (neu’r hyn sy’n cyfateb iddo) ac ym Mwrdd yr Adran, ac unrhyw gamau a gymerwyd yn eu sgil. Dylai’r Adran roi gwybod i’w harholwyr allanol am yr Adolygiad Adrannol a’u hannog i ysgrifennu at yr Ysgrifennydd Academaidd ynglŷn â materion y maent yn teimlo y dylid cyfeirio’n arbennig atynt.
  2. Dylai’r Adran atodi unrhyw adroddiadau achredu diweddar (lle bônt yn berthnasol) i’w hadroddiadau hunanwerthuso ac egluro ei phrosesau ar gyfer sicrhau mewnbwn allanol i’w gweithdrefnau datblygu ac adolygu
  3. Bydd y Brifysgol yn penodi o leiaf un Asesydd Allanol yn aelod o’r Panel Adolygu, o restr o bobl a enwebwyd gan yr Adran, sydd â phrofiad o reoli gweithgareddau dysgu ac addysgu ac sydd ag arbenigedd addas yn y maes. Os nad yw’r adrannau yn darparu enwebeion addas o fewn terfyn amser rhesymol, bydd y Dirprwy Is-Ganghellor yn enwebu Asesydd Allanol. Telir ffi o £385 i’r Asesydd Allanol yn 2011-12.

2.1  Safbwyntiau’r Myfyrwyr 

  • Mae safbwyntiau myfyrwyr yn rhan sylfaenol o’r broses adolygu. Dylid atodi i’r adroddiadau hunanwerthuso grynodeb o ganlyniadau’r holiaduron myfyrwyr a baratowyd ar gyfer prosesau adolygu’r modiwlau a’r cynlluniau astudio cyffredinol, ynghyd ag eglurhad o sut mae’r Adran yn eu defnyddio ac yn adrodd yn ôl i’w myfyrwyr.
  • Dylid hefyd atodi copïau o gofnodion y Pwyllgorau Ymgynghorol Staff a Myfyrwyr am y ddwy flynedd ddiwethaf.
  • Bydd staff y Gofrestrfa yn gofyn i Urdd y Myfyrwyr gyflwyno ei safbwyntiau ar brosesau cefnogi myfyrwyr yr Adran, gan ganolbwyntio ar y materion a nodwyd gan Gyngor Cynrychiolwyr y Cyrsiau.

2.2. Pwyllgorau Adrannol

1.  Dylid egluro strwythur Pwyllgorau yr Adran.

2.  Gofynnir i’r Adran ddarparu copïau o gofnodion y Byrddau Adrannol a’r Pwyllgorau Dysgu ac Addysgu dros y ddwy flynedd
     ddiwethaf, gan ganolbwyntio’n benodol ar gyfarfodydd sy’n ymwneud â datblygu ac adolygu modiwlau a rhaglenni. Dylid
     cynnwys canlyniadau’r Ymarferiadau Monitro Rhaglenni blynyddol gyda’r deunydd yma.

2.3. Gwybodaeth i Fyfyrwyr

Gofynnir i’r Adran ddarparu samplau o’i Llawlyfrau Myfyrwyr.

Bydd aelodau o Banel yr Adolygiad yn edrych ar y we i weld Manylebau Rhaglenni’r holl gynlluniau astudio a ddysgir drwy gwrs (israddedig ac uwchraddedig).

2.4. Data

Bydd yr Adran yn darparu crynodeb o faich dysgu pob aelod o’r staff academaidd o ran oriau cyswllt ar gyfer yr isod:

darlithoedd
seminarau/sesiynau tiwtorial
sesiynau ymarferol

arolygu uwchraddedigion
arall (e.e. teithiau maes).

Bydd y Gofrestrfa yn darparu data ynghylch:

nifer y ceisiadau israddedig a nifer y myfyrwyr a dderbynnir
cyfartaledd sgoriau Safon Uwch
cymarebau staff-myfyrwyr
cost fesul myfyriwr
nifer y myfyrwyr sy’n gyfwerth ag amser llawn
canlyniadau arolygon bodlonrwydd myfyrwyr y flwyddyn flaenorol.

DS Gellir cyflwyno Llawlyfrau Myfyrwyr, cofnodion pwyllgorau ac ati yn electronig.

ALM/mes
Mehefin 2011