Diogelu Arferion Ymchwil Da

Mae gan Brifysgol Cymru Aberystwyth nod strategol clir i wella ei phroffil fel sefydliad sy'n cael ei arwain gan ymchwil, ac ar yr un pryd i adeiladu i'r strategaeth hon y mesurau cydberthynol sy'n angenrheidiol ar gyfer datblygu a gwella safonau ac ansawdd y dysgu a geir yma. Sail y strategaeth yw rhaglen fuddsoddi dreiglol mewn ailstrwythuro adrannau er mwyn canolbwyntio ar ddatblygu ymchwil trwy benodiadau newydd, canoli adnoddau mewn grwpiau ymchwil cryf ac adnewyddu portffolios dysgu er mwyn creu cynlluniau gradd newydd ac egnïol i ddenu mwy o fyfyrwyr ac i hybu nodweddion arbennig Aberystwyth sy'n ei wneud yn lle delfrydol i fod yn fyfyriwr ac i weithio fel aelod o staff ynddo. O fewn y cyd-destun hwn y gosodir y canllawiau canlynol yn awr. Dylai'r ddogfen hon ateb y pwrpas defnyddiol o integreiddio llawer o ffynonellau gwybodaeth amrywiol ag amrediad o drefniadau sydd eisoes yn bodoli ond nad ydynt eto wedi eu gosod o fewn un fframwaith, er mwyn delio â'r agwedd hollbwysig o Ddiogelu Arferion Ymchwil Da.

• Ffynonellau - PCA