Rheoliadau'r Bwrsariaethau Rhagoriaeth

1. Diben y Bwrsariaethau Rhagoriaeth yw cydnabod a gwobrwyo cyflawniadau academaidd ar lefel uchel cyn dod i’r brifysgol ar gyfer astudiaethau israddedig amser llawn yn y meysydd a nodir gan y Brifysgol.
2. Mae’r Bwrsariaethau Rhagoriaeth yn agored i bob ymgeisydd o’r DU/UE a fydd yn 17 oed ar 1 Hydref yn y flwyddyn y bwriadant gael mynediad i’r Brifysgol, ac na fuont yn fyfyrwyr yn unrhyw sefydliad Addysg Uwch (gan gynnwys Aberystwyth) am gyfnod o flwyddyn neu mwy.
3. Cyfyngir y Bwrsariaethau Rhagoriaeth i rai pynciau israddedig/DGU penodol. Caiff y pynciau eu nodi cyn dechrau blwyddyn gais a gellid eu newid yn flynyddol. Ar hyn o bryd, y pynciau yw cyrsiau Meistr, Baglor, graddau Sylfaen a chynlluniau DGU israddedig yng Nghyfadran y Gwyddorau, yr Adran Ieithoedd Ewropeaidd, Adran y
Gymraeg a chynlluniau penodol a ddysgir yn bennaf trwy gyfrwng y Gymraeg (o leiaf 50%).
4. Isafswm y safonau academaidd sydd eu hangen ar gyfer graddau Meistr / Baglor israddedig yw 320 pwynt o’r tair lefel-A orau, neu gymhwyster cyfwerth â hynny. Ymhlith y tair lefel-A orau rhaid cynnwys unrhyw lefel-A (neu gymhwyster cyfwerth) y gofynnwyd yn benodol amdanynt i’r cynllun gradd arfaethedig, ar y lefel a benodwyd.  Yn achos ymgeisydd hyn, byddwn yn ystyried y cymhwyster cyn-Addysg Uwch mwayf diweddar.
5. Isafswm y safonau academaidd sydd eu hangen am radd Sylfaen a Diploma Genedlaethol Uwch yw 160 pwynt i gynnwys dau lefel-A (neu gyfwerth) ac i gynnwys unrhyw lefel o berfformiad y gofynnwyd amdano’n benodol yn y lefel-A (neu gyfwerth).
6. Rhaid i ymgeiswyr fod wedi gwneud cais i Aberystwyth trwy UCAS erbyn 30 Mehefin, a rhaid rhoi Aberyswyth yn ddewis ‘Cadarn’ wrth gyflwyno’r dewisiadau i UCAS.
7. Caiff pob myfyriwr yn y pynciau penodol sy’n dal Aberystwyth yn ddewis diamod neu gadarn amodol ar y dyddiad cau terfynol eu hystyried. Nid oes ffurflenni cais arbennig. Caiff ymgeiswyr llwyddiannus eu hysbysu o benderfyniad y Brifysgol cyn dechrau’r sesiwn academaidd.
8. Daw cyfnod dal y Bwrsariaethau Rhagoriaeth i ben ar ddiwedd cyfnod arferol cynllun gradd (y mae cynlluniau 4/5 mlynedd sy’n cynnwys cyfnodau gorfodol dramor neu hyfforddiant proffesiynol integredig wedi eu cynnwys).
9.

Daw cyfnod dal y Bwrsariaeth Rhagoriaeth i ben os yw’r deiliad yn newid i astudio cynllun arall nad yw’n gymwys i’r Bwrsariaeth (fel yr hysbysebir ar adeg cais y myfyriwr).
10. Bydd Prifysgol Aberystwyth yn terfynu’r Bwrsariaeth Rhagoriaeth os nad yw’r deiliad wedi gwneud cynnydd boddhaol, yn ôl tystiolaeth asesiadau ac arholiadau’r Brifysgol.
11. Ni ellir dal Bwrsariaeth Rhagoriaeth ar yr un pryd â gwobr arall a gynigir gan y Brifysgol, nad yw’n dibynnu ar brawf moddion, sydd â gwerth uwch iddi. Mewn sefyllfa o’r fath y wobr fwyaf ei gwerth yn unig a roddir.
12. Y mae gan Brifysgol Aberystwyth yr hawl i ddileu neu ganslo, heb rybudd, unrhyw fwrsariaeth neu ysgoloriaeth, a gallant ddiwygio unrhyw reoliad sy’n ymwneud â’r wobr. Mae'r Brifysgol yn cadw'r hawl i beidio â thalu Ysgoloriaethau neu Fwrsariaethau os bydd gan y myfyrwyr unrhyw ddyledion sy'n ddyledus i'r Brifysgol  Caiff gwerth y Bwrsariaethau Rhagoriaeth ei adolygu o bryd i’w gilydd.