Bwrsariaethau Chwaraeon - £500 y flwyddyn

Mae Bwrsariaethau Chwaraeon ar gael i ymgeiswyr israddedig ac uwchraddedig sydd fel arfer yn byw yn y DU/UE.  Maent ar gael ar gyfer UNRHYW gwrs llawn-amser - nid ydynt yn gyfyngedig i ymgeiswyr ar gyfer cwrs yn yr Adran Gwyddor Chwaraeon ac Ymarfer Corff.

Anelir y Bwrsariaethau Chwaraeon at fyfyrwyr sy’n gallu dangos tystiolaeth o gyflawniadau diweddar o safon uchel ym maes chwaraeon ac ymrwymiad i ddatblygu perfformiad. Manteision y Bwrsariaethau Chwaraeon yw:

• £500 y flwyddyn (hyd at 10 ar gael bob blwyddyn)
• Aelodaeth am ddim o Glwb Canolfan Chwaraeon y Brifysgol am bob blwyddyn astudio 
• Sicrwydd o lety mewn Neuadd Breswyl neu eiddo a weinyddir gan y Brifysgol am y cwrs cyfan

Dewch i gwrdd â rhai o enillwyr ein Bwrsariaethau Chwaraeon

Sut i wneud cais

• Dylai ymgeiswyr israddedig wneud cais trwy UCAS erbyn 30 Mehefin a nodi Aberystwyth yn ddewis ‘Cadarn’.
• Bydd angen i fyfyrwyr israddedig lenwi ffurflen gais am Fwrsariaeth Chwaraeon a’i hanfon yn ôl i’r Brifysgol erbyn 30 Mehefin yn y flwyddyn mynediad i’r Brifysgol.
• Bydd angen i fyfyrwyr uwchraddedig lenwi ffurflen gais am Fwrsariaeth Chwaraeon a’i hanfon yn ôl i’r Brifysgol erbyn 31 Awst yn y flwyddyn mynediad i’r Brifysgol.
• Gellir gwahodd ymgeiswyr i gyfweliad er mwyn trafod eu cais ymhellach.
• Cysylltwch â'r Syddfa Marchnata ar gyfer Denu Myfyrwyr am ragor o fanylion.
• Cliciwch yma am ffurflen gais y Bwrsariaethau Chwaraeon (ar-lein) (gallwch llenwi ar gyfrifiadur ac e-bostio i ni).
• Cliciwch yma am Ffurflen Gais am Fwrsariaeth Chwaraeon (PDF - i argraffu a phostio).

 Ffurflen Gais am Fwrsariaeth Chwaraeon

Adroddiad Cynnydd Bwrsari Chwaraeon

Dyma rhai o'r clybiau / dosbarthiadau y gallwch chi fwynhau yn Aberystwyth:

Aerobeg, Aicido, Badminton, Beicio Mynydd, Canwio, Capoeira, Cerdded, Cleddyfaeth, Codi hwyl, Criced, Chwaraeon Moduro, Dartiau, Dawns, Dawns Sioe, Dawns Trefol, Dringo Creigiau, Eirafyrddio, Ffrisbi Eithaf, Golff, Gymnasteg, Hoci, Hwylio, Hyfforddiant Cylchol, Ioga, Jiwdo, Karate, Lacrós, Marchogaeth, Mynydda, Nofio, Ogofa, Pêl-droed, Pêl-droed Americanaidd, Pêl-fasged, Pêl Foli, Pêl osgoi, Pêl-rwyd, Pilates, Pledu Paent, Polo Dwr, Rownderi, Rygbi’r Gynghrair, Rygbi’r Undeb, Rhedeg, Saethu Colomennod Clai, Saethyddiaeth, Sgïo, Sgwba-Blymio ac Octowthio, Syrffio, Tae Kwon Do, Tenis, Trampolinio, Ymarfer Paffio

Gwelwch dudalennau’r Canolfan Chwaraeon i weld ein cyfleusterau gwych

Amodau i’w cyflawni gan y rhai sy’n dal Bwrsariaeth Chwaraeon

1. Bydd yn rhaid i fyfyrwyr gyflawni holl delerau’r cynnig yn llawn, a bodloni’r Brifysgol o’u cynnydd academaidd.
2. Disgwylir i’r myfyrwyr gyfrannu at un o Glybiau Chwaraeon y Brifysgol ac fel arfer byddai disgwyl iddynt gynrychioli’r Brifysgol pe gofynnid. Mewn rhai amgylchiadau efallai na fyddai’r amod hwn yn briodol neu’n bosibl, a gellid ei eithrio trwy gytundeb.
3. Dylai myfyrwyr sy’n dal bwrsariaeth gytuno i ymddwyn mewn dull sy’n gweddu i gynrychiolwyr y Brifysgol a cheisio cynnal neu wella eu perfformiad chwaraeon.
4. Bydd y myfyrwyr yn bodloni’r Brifysgol am eu cynnydd academaidd.
5. Bydd y myfyrwyr yn cynorthwyo i hyrwyddo proffil chwaraeon y Brifysgol ac yn cynorthwyo â chynlluniau eraill sy’n cynwys hyrwyddo’r Brifysgol e.e. Dyddiau Agored, Dyddiau Ymweld, gweithgaredd Ehangu Cyfranogiad, lle bo hynny’n briodol. Caiff y myfyrwyr eu talu am oriau y byddant yn gweithio ar y raddfa safonol i fyfyrwyr. 
6. Disgwylir i’r sawl sy’n dal bwrsariaeth gyfarfod yn rheolaidd â’u mentor/tiwtor i adolygu eu cynnydd a gellid gofyn iddynt gadw dyddiadur hyfforddi i gynorthwyo gyda’r broses adolygu. Caiff y broses adolygu ei gweinyddu gan yr Adran Gwyddor Chwaraeon ac Ymarfer Corff.
7. Canlyniad cynnydd anfoddhaol, heb achos da, fydd terfynu’r fwrsariaeth.

Bwrsari Chwaraeon - Adolygiad Cynnydd

Yn unol â rheoliadau dal Bwrsariaeth Chwaraeon, byddwn yn ddiolchgar pe gallech gwblhau a chyflwyno'r ffurflen yma erbyn y dyddiad a rhoddwyd er mwyn sicrhau nad oes oedi wrth brosesu unrhyw daliadau dilynol. Bydd eich ymateb yn galluogi ni i ganfod unrhyw broblemau ac yn cynorthwyo datblygiad y rhaglen Bwrsariaethau Chwaraeon. Diolch yn fawr!

Ffurflen Gais am Fwrsariaeth Chwaraeon