Galw am Grynodebau Papur

Annwyl Gydweithiwr

Ar ran trefnwyr y gynhadledd a’r siaradwyr, hoffem eich gwahodd i gyfranogi yn y gynhadledd ryngwladol ganlynol

            Byd Plentyn - Gweithio Gyda’n Gilydd at Ddyfodol Gwell

            27-29 Mehefin 2012

            Prifysgol Aberystwyth, Campws Penglais, Aberystwyth, Cymru, y DU

Trefnir gan yr Ysgol Addysg a Dysgu Gydol Oes, Prifysgol Aberystwyth www.aber.ac.uk/sell

Bydd y Siaradwyr Allweddol yn cynnwys:

  • Leighton Andrews AC, Y Gweinidog Addysg a Sgiliau, Llywodraeth Cymru.
  • Yr Athro Jouni Välijärvi, Cydlynydd Cenedlaethol PISA, Sefydliad Ymchwil Addysgol y Ffindir, Prifysgol Jyvaskyla, y Ffindir.
  • Keith Towler, Comisiynydd Plant Cymru.
  • Ann Keane, Prif Arolygydd Estyn
  • Eifion Evans, Awdurdod Lleol
  • Johannes Theiner (APA, Austria), President, European Parents' Association

Mae dyddiad cau’r galwad am grynodebau wedi ymestyn nawr tan hanner nos ar Ddydd Iau 1af o Ragfyr 2011

Dyfeisiwyd Cynhadledd “Byd Plentyn - Gweithio Gyda’n Gilydd at Ddyfodol Gwell” i fframio cysyniadau newydd o ran ymarfer cydweithredol mewn astudiaethau plentyndod yn erbyn newidiadau cymdeithasol, deddfwriaethol a chyfundrefnol o fewn dimensiwn strategol rhyngwladol. 

Yn unol ag ymwreiddio Addysg ar gyfer Datblygu Cynaliadwy a Dinasyddiaeth Fyd-eang, codi safonau, hyrwyddo cyfranogiad disgyblion a datblygu arweiniad a rheolaeth effeithiol, mae gweithio cydweithredol yn arf hanfodol ar gyfer creu polisi effeithiol ac ymarfer a rennir.

A hwythau’n anelu’n bennaf at gynulleidfa broffesiynol sy’n ymwneud ag ymchwil addysgol, bydd y canfyddiadau’n berthnasol ar draws amrywiaeth o ddisgyblaethau, gan gynnwys ffurfio polisi llywodraethol, gofal cymdeithasol a chyflenwi gweithrediadol y gwasanaethau cyhoeddus. Bydd cwmpas eang y gynhadledd yn gymwys iawn i lywodraeth genedlaethol, ranbarthol a l leol, gweithwyr addysg proffesiynol a bydd o ddiddordeb penodol i’r cyhoedd.

Bwriedir cyhoeddi cyfres o bapurau o ansawdd academaidd a phwysigrwydd ysgolheigaidd, gan gynnig y cyfle i ddynodi a rhannu ymarfer gorau ymhlith gweithwyr pwnc proffesiynol.

Mae’r Ysgol Addysg a Dysgu Gydol Oes yn croesawu ac yn gwahodd crynodebau o gyflwyniadau i’w cyflwyno a’u dosbarthu yn y gynhadledd ar y themâu canlynol:

DINASYDDIAETH FYD-EANG

  1. Ymwreiddio Addysg ar gyfer Datblygu Cynaliadwy a Dinasyddiaeth Fyd-eang yn y cwricwlwm cyfan                     
  2. Cyfranogiad Disgyblion                                         
  3. Gweithio Cydweithredol                                                

BLYNYDDOEDD CYNNAR

  1. Trawsnewid o ddysgu’n seiliedig ar chwarae
  2. Arweinyddiaeth a Rheoli
  3. Gweithio Cydweithredol                                               

CODI SAFONAU

  1. Llythrennedd a Rhifedd
  2. Asesu                                                    
  3. Gweithio Cydweithredol           

Dylai’r crynodebau amlinellu’r pwnc dan sylw, y dulliau a’r agweddau, canlyniadau a chasgliadau. Mae’r Ysgol Addysg a Dysgu Gydol Oes yn croesawu crynodebau yn Gymraeg a Saesneg.

Ffurflen Cyflwyno Crynodeb 

Ni ddylai unrhyw gyflwyniadau fod yn hirach nag 20 munud

Mae dyddiad cau’r galwad am grynodebau wedi ymestyn nawr tan hanner nos ar Ddydd Iau 1af o Ragfyr 2011

Caiff cynigion eu hadolygu yn erbyn y meini prawf canlynol

  • Perthnasedd i nodau’r gynhadledd
  • Eglurder a chydlyniad y cynnig

Caiff yr holl bapurau cynhadledd a dderbynnir eu cyhoeddi yn Nhrafodion y Gynhadledd

Ffi Cofrestru

Cofrestru

Llety Lleol yn Aberystwyth

Hafan y Gynhadledd