Cyrsiau Uwchraddedig

Addysg

Sefydlwyd yr Ysgol Addysg a Dysgu Gydol Oes yn 2003 ar ôl i'r Adran Addysg a'r Ganolfan Addysg Barhaus uno. Mae addysg yn broses gydol oes a dylai cwrs fod ar gael i bawb ym mha bynnag gyfnod y maent mewn bywyd.


Yn ddiweddar cwblhaodd myfyrwyr ymchwil yr ysgol draethodau ymchwil a arweiniodd at raddau MPhil a PhD. Mae arolygu ymchwil ar gael mewn nifer o feysydd, gan gynnwys astudiaethau plentyndod, addysg wledig ac ymchwil pedagogig.


Bellach caiff yr holl Hyfforddiant ac Addysg Cychwynnol i Athrawon ei ddarparu gan Ganolfan Addysg Athrawon Gogledd a Chanolbarth Cymru. Mae Prifysgolion Aberystwyth a Bangor yn gweithio ar y cyd o dan enw'r Ganolfan i ddarparu hyfforddiant mewn pynciau TAR Uwchradd yn y rhanbarth hwn. Mae Aberystwyth hefyd yn darparu hyfforddiant ar gyfer y sector Uwchradd mewn Saesneg a Drama, Daearyddiaeth, Hanes, TGCh a Ieithoedd Modern. Mae'r holl gyrsiau a gynigir ar gael trwy gyfrwng y Gymraeg a'r Saesneg.

Themâu Ymchwil

Dyma rai o'r themâu ymchwil yn yr Adran:

  • Ymchwil pedagogig gan gynnwys:
  • Dysgu ac addysgu
  • Gwybodaeth a dealltwriaeth o'r pwnc
  • Asesu TGCh
  • Asesu ar gyfer dysgu
  • Cyflawniad
  • Cyd-destun dwyieithog
  • Astudiaethau Plentyndod gan gynnwys:
  • Sut mae plant yn dysgu; astudiaethau rhywedd
  • Cyflawniad
  • Astudiaethau iechyd a lles
  • Ysgolion iach
  • Datblygu'r cwricwlwm yng Nghymru a mannau eraill yn y DU
  • Anghenion addysgol arbennig
  • Addysg Wledig gan gynnwys:
  • Partneriaethau mewn addysg;
  • Addysg gymunedol
  • Polisi addysgol lleol a chenedlaethol a'r effaith ar ysgolion bach
  • Llwybrau Dysgu 14-19
  • Addysg oedolion
    

TAR

Mae Prifysgolion Aberystwyth a Bangor wedi uno mewn partneriaeth gyffrous i greu'r Ganolfan Addysg Athrawon yng Ngogledd a Chanolbarth Cymru. Bydd y Ganolfan yn hyfforddi athrawon cynradd ac uwchradd i roi'r cychwyn gorau posibl i athrawon dan hyfforddiant. Bydd y Ganolfan yn parhau i weithio ag ysgolion cynradd ac uwchradd ledled y rhanbarth ac yn datblygu partneriaethau â hwy.

Rhagor o wybodaeth am ein cyrsiau TAR.