Buddion bod yn aelod

Fel aelod, cewch ddefnyddio ein holl gyfleusterau, gan gynnwys:

• Y Pwll a’r Sawnariwm
• Campfa'r Ganolfan Wellness a’r Ystafell Pwysau Rhydd
• Wal Ddringo Dan Do Box Rox
• Cyfleusterau Awyr Agored
• Cyfleusterau Dan Do

Mae tair campfa ragorol ar y safle. Yn y brif gampfa, sy’n fawr ac sydd wedi’i hawyru’n dda, mae ystod eang o beiriannau gwrthiant ac offer cardiofasgwlaidd, yn ogystal â theledu sgrin plasma a system sain. Mae’n bosib mai yn y ganolfan hon y mae cyfleuster pwysau rhydd gorau’r sir, yn ogystal ag ystafell ymarfer lle ceir peiriannau gwrthiant â phlatiau pwysau i’w llwytho. Fel aelod, cewch ddefnyddio’r cyfleusterau gwych hyn am 50% yn llai na’r rheini nad ydynt yn aelodau ac mae ein Cerdyn Aur yn cynnig pris arbennig, lle cewch ymweld gynifer o weithiau ag y mynnoch am gost 1.5 ymweliad yr wythnos. Rhaid i chi gwblhau sesiwn gynefino cyn ymuno â’r gampfa a chofiwch fod staff cymwysedig ar gael i roi cyngor i chi ar y safle, yn ogystal â Hyfforddwyr Personol sy’n gallu teilwra rhaglenni ar eich cyfer a’ch annog i wella’ch ffitrwydd.

Mae gennym ddewis da o ddosbarthiadau ymarfer os yw’n well gennych ymarfer mewn grŵp. Caiff dosbarthiadau’u cynnal 6 diwrnod yr wythnos ac mae dosbarthiadau ar gael ar bob lefel. Fel aelodau, cewch gofrestru’n gynnar a thalu pris is am bob sesiwn. Yn yr un modd â’r gampfa, gallwch brynu Cerdyn Aur sy’n caniatáu i chi fynd i unrhyw ddosbarth ymarfer corff.

Rydym yn ffodus o gael wal ddringo dan do ar y safle sy’n gyfle i chi ymarfer eich sgiliau dringo os yw’r tywydd yn wael. Os nad ydych wedi rhoi cynnig ar ddringo o’r blaen, gallwch ddod i sesiwn gynefino neu fynd ar gwrs dringo sy’n para 12 wythnos. Cewch ragor o fanylion ar dudalennau Box Rox.

Peidiwch anghofio am ein Pwll Nofio. Mae’r pwll nofio ar agor ar wahanol adegau yn ystod yr wythnos, ac rydym hefyd yn darparu nifer o wahanol Wersi Nofio a Dosbarthiadau Dŵr cyffrous, ynghyd â sawnariwm gwych i ymlacio ynddo.

Yn ychwanegol at hyn, mae gennym gyfleusterau na all y rhan fwyaf o’r campfeydd eraill eu cynnig, sef ystod eang o gyfleusterau dan do ac awyr agored am ddim i’n haelodau. Yn eu plith, mae cyfraddau is i ddefnyddio cyfleusterau Clwb Tenis Aberystwyth, rhwydi criced, cae artiffisial pob tywydd, a chaeau pêl-droed a rygbi ym Mlaendolau, Caeau’r Ficerdy a Phantycelyn.