Materion Academaidd

Arholiadau i'w sefyll draw o Aberystwyth

Yr arfer yw cynnal pob arholiad yn Aberystwyth. Mewn achosion eithriadol gellir rhoi caniatâd i gynnal arholiadau draw o Aberystwyth, yn amodol ar y canllawiau canlynol:

1. Rhaid i Ddeon y Gyfadran berthnasol sy'n gyfrifol am y modiwl dan sylw gymeradwyo ceisiadau am sefyll arholiadau draw o Aberystwyth.
2. Dylid cyflwyno ceisiadau o'r fath, boed oddi wrth fyfyrwyr neu adrannau ar ran myfyrwyr, erbyn 1 Tachwedd yn Semester 1 ac erbyn 20 Mawrth yn Semester 2; dylid eu cyfeirio i'r Swyddfa Academaidd.
3. Lle bo ceisiadau o'r fath wedi eu cymeradwyo dylai adrannau mewn cydweithrediad â'r Swyddfa Academaidd wneud trefniadau addas gyda'r unigolion a enwyd yn y Brifysgol neu'r ganolfan arall, o leiaf bedair wythnos cyn dechrau cyfnod yr arholiadau.
4. Dylai adrannau ystyried gosod arholiadau ar wahân i fyfyrwyr cyfnewid sy'n dod i Aberystwyth fel y gallant eu sefyll cyn gadael Aberystwyth.
5. Dylid sefyll arholiadau ar yr un pryd (neu mor agos â hynny ag sy'n ymarferol) yn Aberystwyth a'r man arall. Lle bo amser yn mynd heibio rhwng arholiadau a gynhelir mewn canolfannau gwahanol, dylid gosod papurau gwahanol fel arfer.
6. Awgrymir y dylid ffacsio papurau i'r Brifysgol arall ar fore neu brynhawn cynnal yr arholiad yn Aberystwyth. Dylid cymryd camau rhesymol (e.e. rhif ffacs wrth gefn) rhag ofn bod peiriannau'n methu.
7. Dylid gofyn i'r Brifysgol neu'r lleoliad arall fod â dulliau priodol o gadarnhau enwau'r ymgeiswyr.
8. Dylai trefniadau gyda phrifysgolion eraill gynnwys dulliau o ddychwelyd sgriptiau i Aberystwyth mor gyflym ag y bo modd er mwyn eu marcio.
9. Mae'r Brifysgol wedi sefydlu trefniadau gyda'r Cyngor Prydeinig (yn Athen a Kuala Lumpur) sy'n cynnwys arholiadau atodol a rhai eraill. Y disgwyl yw y bydd y trefniadau hyn yn parhau fel ar hyn o bryn.