Rhagoriaeth sy’n Arwain y Byd yn ein Hadrannau
Dangosodd canlyniadau’r Ymarfer Asesu Ymchwil (RAE) diweddaraf fod 85% o ymchwil ym Mhrifysgol Aberystwyth o safon ryngwladol neu well, gydag ymchwil “yn Arwain y Byd” mewn 15 o’r 16 maes pwnc. 
Mae hynny’n golygu fod Prifysgol Aberystwyth yn ail yng Nghymru ac yn rhif 42 allan o 120 drwy’r DU gyfan o ran ansawdd ei hymchwil yn ôl Times Higher Education a’r Independent.
Roedd yr RAE yn gosod ymchwil mewn pum graddfa wahanol:
- 4* - Yn Arwain y Byd
- 3* - Rhagorol yn Rhyngwladol
- 2* - Yn cael ei Gydnabod yn Rhyngwladol
- 1* - Yn cael ei Gydnabod yn Genedlaethol
- 0 - Di-ddosbarth
Roedd y canfyddiadau’n dangos fod yn agos i hanner yr ymchwil a wneir yn Aberystwyth yn Arwain y Byd neu’n Rhagorol yn Rhyngwladol a bod 97.4% o ymchwilwyr yn gweithio mewn disgyblaethau sy’n ymgymryd ag ymchwil sy’n Arwain y Byd.
Isod ceir uchafbwyntiau ein canlyniadau RAE2008:
| Adran | % Sgor Ymchwil RAE2008 | Safle RAE2008 |
|---|---|---|
| Gwleidyddiaeth Ryngwladol | 65% 4* neu 3* & 25% 2* | 3ydd yn y DU |
| Gwyddorau Cyfrifiadurol | 70% 4* neu 3* & 30% 2* | 1af yng Nghymru |
Daearyddiaeth a Gwyddorau Daear |
65% 4* neu 3* & 30% 2* | 11eg yn y DU |
| Y Gymraeg | 65% 4* neu 3* & 25% 2* | 4ydd yn y DU |
| Astudiaethau Theatr, Ffilm a Theledu | 60% 4* neu 3* & 20% 2* | 15fed yn y DU |
Mae cyflawni sgoriau Proffil Ansawdd mor wych ac ar yr un pryd dod i’r brig mewn pleidlais am y Brifysgol ORAU yn y Wlad ar gyfer profiad myfyrwyr yn tystio i’r cydbwysedd rhagorol y mae ein myfyrwyr yn gallu ei brofi yn Aberystwyth; nid yn unig maen nhw’n cael eu dysgu gan ymchwilwyr a darlithwyr sy’n Arwain y Byd ac yn Rhagorol yn Rhyngwladol, ond maen nhw hefyd yn mwynhau’r profiad myfyrwyr gorau. Rydyn ni’n gwybod fod hwn yn honiad beiddgar, felly ewch i weld beth sydd gan ein myfyrwyr i’w ddweud…