Deallusrwydd Artiffisial a Roboteg
GH76 - 3 blynedd a GH7P - 4 blynedd
Cysylltir Deallusrwydd Artiffisial a Roboteg gan yr awydd i greu systemau artiffisial, ac mae hyn wedi’i fasnacheiddio fwyfwy gan ddiwydiant. Dyma rai enghreifftiau o sut y defnyddir y dechnoleg ar hyn o bryd, a meysydd newydd: robotiaid i’r cartref (i ddiben adloniant ac i gynorthwyo pobl ag anghenion arbennig); roboteg ddiwydiannol ddeallus; systemau rheoli’r gadwyn gyflenwi sy’n seiliedig ar weithredwyr; a roboteg feddygol. Mae’r cynllun yn rhoi sylfaen gadarn yn y technolegau sylfaenol, yn ogystal â sgiliau galwedigaethol.
Mae’r radd hon yn rhoi sylfaen gadarn mewn sgiliau cyfrifiadurol, gan gynnwys:
- Rhaglennu
- Cyflwyniad i systemau gweithredu, gan gynnwys Unix
- Cynllunio meddalwedd
- Peirianneg meddalwedd
- Agweddau proffesiynol ym maes peirianneg meddalwedd
Mae’n rhoi pwyslais ar sgiliau arbenigol yn y meysydd canlynol:
- Dealltwriaeth ddamcaniaethol o Ddeallusrwydd Artiffisial a Roboteg
- Defnyddio cysyniadau Deallusrwydd Artiffisial a Roboteg yn ymarferol
- Offer i ddatblygu cymwysiadau Deallusrwydd Artiffisial a Roboteg
- Rhyngweithio â thechnegau gwahanol ond cysylltiedig, er enghraifft yr elfen weledol, elfennau deallusrwydd wrth raglennu gemau, a Chyfrifiaduron Symudol
Prosiectau Blwyddyn Olaf
Mae'r prosiectau blwyddyn olaf a gyflawnwyd yn ddiweddar gan fyfyrwyr yn cynnwys:
- Robot pedair coes
- Robot symudol i ddosbarthu’r post
- Monitor cyfradd calon
Gyrfaoedd
Mae’r radd hon yn dysgu sgiliau addas i unrhyw swydd nodweddiadol yn y diwydiant meddalwedd. Mae pwyslais penodol y rhaglen hefyd yn rhoi mantais i fyfyrwyr wrth iddynt wneud cais am swyddi mewn meysydd fel:
- Roboteg ddiwydiannol sydd angen rhywfaint o reolaeth annibynnol neu ddeallusrwydd artiffisial
- Roboteg feddygol
- Rhaglennu cymwysiadau softbot ar gyfer problemau masnachol
- Cynllunio a rhaglennu robotiaid deallus