Cyfrifiadureg

Please turn on JavaScript.
Media requires JavaScript to play.

Hon yw’r radd fwyaf hyblyg a gynigir yn yr adran. Os dymunant, gall myfyrwyr ddilyn hyd at draean o’u modiwlau y tu allan i’r adran bob blwyddyn. Mae’r radd Cyfrifiadureg yn darparu’r modiwlau craidd a ddisgwylir gan unrhyw fyfyriwr Cyfrifiadureg.

Mae’r radd hon yn rhoi sylfaen gadarn mewn sgiliau cyfrifiadurol:

• Rhaglennu
• Cyflwyniad i systemau gweithredu, gan gynnwys Unix
• Cynllunio meddalwedd
• Peirianneg meddalwedd
• Materion proffesiynol ym maes peirianneg meddalwedd
• Telegyfathrebu
• Systemau rheoli cronfeydd data
• Rhyngweithio pobl a chyfrifiaduron
• Methodolegau chwim

Ceir cyfle hefyd i feithrin sgiliau arbenigol trwy ddewis modiwlau o’n cynlluniau gradd eraill: peirianneg meddalwedd; graffeg a delweddu; deallusrwydd artiffisial; roboteg; telemateg; cyfrifiaduron symudol; a chyfrifiadura cod agored.

Prosiectau Blwyddyn Olaf

Mae llawer o fyfyrwyr Cyfrifiadureg yn paratoi prosiectau sy’n uniongyrchol gysylltiedig ag anghenion masnachol neu sy’n deillio o flwyddyn y myfyriwr mewn diwydiant. Dyma rai enghreifftiau:

• System llety i neuaddau preswyl y Brifysgol
• System archebu tocynnau i’r Adran Astudiaethau Theatr, Ffilm a Theledu
• Rhyngwyneb plant a delweddu i Google

Gyrfaoedd

Mae’r radd hon yn darparu sgiliau addas i unrhyw swydd nodweddiadol yn y diwydiant meddalwedd. Mae’n rhoi mantais i ymgeiswyr mewn maes lle mae hyblygrwydd, agwedd broffesiynol a pharodrwydd i ddysgu sgiliau newydd yn elfennau pwysig.