Almaeneg


(Anrhydedd Cyfun/Prif Bwnc/Is-bwnc) - 4 blynedd

Mae Almaeneg i’w gael yn bwnc anrhydedd cyfun ynghyd â nifer o bynciau eraill. Yn ogystal â modiwlau iaith ysgrifenedig a llafar (sy’n orfodol ar bob lefel) mae’r cwrs Almaeneg yn cynnig nifer o ddewisiadau: llenyddiaeth, cymdeithaseg iaith, diwylliant, Almaeneg byd busnes. Mae’r gwaith ar iaith yn cynnwys cyfarfodydd wythnosol mewn grwpiau bach a arweinir gan siaradwyr brodorol. Yn ogystal â magu rhuglder mewn Almaeneg, byddwch hefyd yn meithrin sgiliau defnyddiol eraill, e.e. dysgu sut i roi cyflwyniad ac arwain trafodaethau grŵp. Byddwch yn dysgu am y gwahaniaethau diwylliannol rhwng gwledydd Prydain a’r Almaen, a fydd yn ddefnyddiol wrth ichi wneud y mwyaf o’ch cyfnod mewn gwlad lle siaredir Almaeneg.

Graddau’n cyfuno Almaeneg gyda phwnc arall

Mae amrywiaeth helaeth o gyfuniadau Almaeneg gyda phynciau o adrannau eraill ar gael: cliciwch yma am gyfuniadau posibl

Marta Ustaszewska Marta Ustaszewska BA Almaeneg a Sbaeneg Gwlad Pwyl
Fe ddewisais i astudio yn Aberystwyth gan fy mod i’n hoffi’r lleoliad ar lan y môr. Roedd yn ddigon hawdd ymgartrefu yma am ei fod yn lle mor gyfeillgar. Mae’n dref fach a phrydferth, gyda digon o dafarnau a llefydd i fynd. Yn yr Adran Ieithoedd Ewropeaidd mae’r tiwtoriaid yn barod iawn i helpu a gallwch chi ofyn am help unrhyw bryd. Hefyd mae gan y Brifysgol yr holl gyfleusterau academaidd sydd eu hangen ar fyfyrwyr i astudio, gyda’i llyfrgelloedd a chyfrifiaduron newydd. Mae’r cyfleusterau diwylliannol fel Canolfan y Celfyddydau, y theatrau a’r sinemâu yma yn dda, a gall pawb ddod o hyd i rywbeth at eu dant. Mae awyrgylch hynod o gyfeillgar i fyfyrwyr yn Aberystwyth. Mae’r bywyd cymdeithasol yma yn wych ac mae amrywiaeth dda a digon o lefydd i fynd. Rwyf i eisoes wedi argymell Aberystwyth i bobl eraill!