Mae’r rhaglen Gwleidyddiaeth Ryngwladol a Hanes Rhyngwladol yn cwmpasu’r prif themâu a thrafodaethau sydd wedi ymddangos wrth astudio hanes gwleidyddiaeth ryngwladol dros y ganrif ddiwethaf. Mae gan y rhaglen ddau brif nod. Y cyntaf yw sicrhau bod myfyrwyr yn deall y gwahanol ddulliau o astudio hanes rhyngwladol a’u cyflwyno i gysyniadau pwysig megis hanesyddiaeth, dehongli hanesyddol a thystiolaeth. Yr ail nod yw cyflwyno myfyrwyr i hanes gwleidyddiaeth ryngwladol dros y ddwy ganrif ddiwethaf. Mae Rhan Un yn cynnwys cyflwyniad cyffredinol i Wleidyddiaeth Ryngwladol a Hanes Rhyngwladol. Yn Rhan Dau bydd myfyrwyr yn cyfuno elfen graidd arbenigol yr Adran ag amrywiaeth eang o ddewisiadau sy’n canolbwyntio ar amrywiaeth eang o gyfnodau a themâu ym maes Hanes Rhyngwladol cyfoes.

Oliver Housley BSc Gwleidyddiaeth Ryngwladol Nottingham
“Fe ddewisais i astudio yn Aberystwyth oherwydd enw da’r Adran ac argymhellion gan gyn-fyfyrwyr a myfyrwyr presennol. Mae’r awyrgylch yn Aberystwyth yn ffantastig ac mae rhywbeth yma i bawb. Doedd ymgartrefu ddim yn broblem, ac mae digon o gefnogaeth bersonol ac academaidd ar gael os oes angen. Mae’r adran yn grêt. Mae’r cyfleusterau academaidd o’r radd flaenaf. Mae gennych fynediad llawn at ddogfennau/adnoddau ysgolheigaidd ac mae Llyfrgell Genedlaethol Cymru gerllaw. Mae’r cyfleusterau diwylliannol yma yn rhagorol! Rwy’n mynd i weld Marcus Brigstocke yng Nghanolfan y Celfyddydau’n fuan. Mae’r bywyd cymdeithasol yn ardderchog hefyd. Mae digonedd yn digwydd yn yr Undeb fel Reload a Cashback. Mae na dafarndai braf iawn yn y dref hefyd gyda phrisiau rhesymol dros ben. Rwy’n hoffi’r annibyniaeth bersonol ac academaidd sydd yma i chi, ynghyd â’r awyrgylch cyffredinol (yn enwedig y bywyd nos). Yn bendant fe fyddwn i’n argymell Aberystwyth i bobl eraill, mae’n brifysgol wych.”

Gwybodaeth y Cynllun Astudio

Mae wybodaeth ar y tudalen hon yn cyfeirio i'r cynlluniau sy'n isod:

Set Gwybodaeth Allweddol