Gradd yn y Gyfraith [M100]
Y radd LLB yn y Gyfraith yw’r cynllun gradd mwyaf poblogaidd y mae’r adran yn ei gynnig yn y gyfraith, yn enwedig i’r rhai sydd am ddilyn gyrfa yn y gyfraith. Bydd yn rhoi cyflwyniad i chi i gysyniadau cyfreithiol craidd a bydd hefyd yn eich galluogi i ddewis o ystod o ddewisiadau mwy arbenigol.
Mae’r radd LLB yn y Gyfraith yn radd gymhwyso: ystyr hyn yw bod graddedigion sy’n dymuno gyrfa ym mhroffesiwn y gyfraith yn gymwys i barhau â hyfforddiant galwedigaethol ar y cwrs Ymarferiad y Gyfraith neu Legal Practice Course i gyfreithwyr, neu’r cwrs Bar Vocational Course (BVC) i fargyfreithwyr.
Gradd yn y Gyfraith [M101]
Mae gradd LLB yn y Gyfraith [M101] yn rhoi cyfle i ymgeiswyr sydd eisoes wedi graddio mewn pwnc arall i wneud gradd ‘llwybr cyflym' mewn 2 flynedd. Mae’n rhoi cyflwyniad i’r holl gysyniadau craidd angenrheidiol, ond mae hefyd yn rhoi cyfle i’r myfyrwyr ddewis o blith amrywiaeth o bynciau arbenigol.
Mae’r cynllun gradd dwy flynedd LLB yn radd gymhwyso: ystyr hyn yw bod graddedigion sy’n dymuno gyrfa ym mhroffesiwn y gyfraith yn gymwys i barhau â hyfforddiant galwedigaethol ar y cwrs Ymarferiad y Gyfraith neu Legal Practice Course i gyfreithwyr, neu’r cwrs Bar Vocational Course (BVC) i fargyfreithwyr.
Gyrfaoedd gyda Graddau yn y Gyfraith
Mae llawer o gyfleoedd am waith i raddedigion yn y gyfraith. Mae’r wybodaeth a’r sgiliau sy’n cael eu datblygu wrth astudio am radd yn y gyfraith yn golygu y bydd myfyrwyr yn addas i lawer o yrfaoedd mewn gwleidyddiaeth, llywodraeth leol, busnes a’r cyfryngau yn ogystal â mynd i'r naill ochr neu’r llall o broffesiwn y gyfraith. I’r graddedigion a hoffai gymhwyso i fod yn gyfreithiwr, mae Aberystwyth yn cynnig ei Chwrs Ymarfer y Gyfraith ei hun o fewn Adran y Gyfraith a Throseddeg.
Gradd yn y Gyfraith gydag Iaith
A oes gennych ddiddordeb mewn ieithoedd?
Mae Gradd yn y Gyfraith gydag iaith yn para 4 blynedd ac fe fydd yn rhoi cyfle i chi astudio’r gyfraith gydag un o dair iaith Ewropeaidd. Dyma’r ieithoedd a gynigir:
- Ffrangeg [M1R1]
- Almaeneg [M1R2]
- Sbaeneg [M1R4]
Treulir y drydedd flwyddyn yn astudio yng Nghyfadran y Gyfraith yn un o'n sefydliadau partneriaethol mewn gwlad lle y siaradir yr iaith honno. Mae’r flwyddyn honno yn rhoi cyfle i chi ddysgu am gyfundrefn gyfreithiol arall ac i ddysgu’r eirfa gyfreithiol angenrheidiol yn yr iaith dan sylw.
Ein Sefydliadau Partner
| Cod UCAS |
Iaith |
Prifysgol |
Dinas |
Gwlad |
|---|---|---|---|---|
| M1R1 | Ffrangeg | Prifysgol Rennes |
Rennes | Ffrainc |
| M1R1 | Ffrangeg | Prifysgol Lyon |
Lyon | Ffrainc |
| M1R1 | Ffrangeg | Prifysgol Louvain de Neuve |
Louvain de Neuve |
Ffrainc |
| M1R2 | Almaeneg | Prifysgol Wurzburg |
Wurzburg | Yr Almaen |
| M1R2 | Almaeneg | Prifysgol Humboldt |
Berlin | Yr Almaen |
| M1R2 | Almaeneg | Prifysgol Frankfurt |
Frankfurt (Oder) |
Yr Almaen |
| M1R4 | Sbaeneg | Prifysgol Oviedo |
Oviedo | Sbaen |
| M1R4 | Sbaeneg | Prifysgol Salamanca |
Salamanca | Sbaen |
Andre Walters - Gradd LLB yn y Gyfraith Ceredigion
Mae’r staff yn anhygoel o ran lefel eu harbenigedd a’r cymorth maen nhw’n ei gynnig i’r myfyrwyr. Maen nhw bob tro’n fodlon treulio amser gyda chi er mwyn eich helpu i wneud eich gorau glas.
Bues i wrth fy modd yma yn Aberystwyth yn astudio’r Gyfraith ac rwy’n gallu dweud, yn hollol onest, mai dyma'r blynyddoedd gorau fy mywyd. Rwy wedi gwneud cynifer o ffrindiau da, ac rwy wedi gwneud mor dda a chyflawni cymaint, rwy wedi fy synnu fi fy hunan.
Felly, fyddwn i’n argymell dod i Brifysgol Aberystwyth? BYDDWN, heb oedi dim!