Yr Adran Seicoleg
Maes astudio Seicoleg yw’r meddwl dynol ac ymddygiad pobl. Mae datblygiad normal ac abnormal pobl, salwch meddyliol ac anhwylder seicolegol, rhyngweithio cymdeithasol a rhyngbersonol, y berthynas rhwng personoliaeth a diwylliant, i gyd yn agweddau ar gymhlethdodau diddorol y meddyliau, y gweithredoedd a’r rhyngweithio dynol y mae seicolegwyr yn eu hastudio.
Yn Aberystwyth, yr Adran Seicoleg yw’r adran a sefydlwyd yn fwyaf diweddar. Y mae wedi tyfu a dod yn boblogaidd yn gyflym iawn gan lwyddo ymhell y tu hwnt i’n disgwyliadau. O ganlyniad i hyn, yn 2009, am y tro cyntaf, lansiodd yr adran raglen radd Anrhydedd Sengl mewn Seicoleg i redeg ochr yn ochr â’i phortffolio o raglenni Anrhydedd Cyfun sy’n cynyddu’n gyflym. Mae’r Adran yn parhau i ddatblygu’r portffolio ac i greu cysylltiadau dysgu ac ymchwil o fewn i’r Brifysgol ac yn y byd ehangach.
Y Rhaglenni Gradd
Yn Aberystwyth, gallwch astudio Seicoleg fel pwnc Anrhydedd Sengl, neu yn hanner rhaglen Anrhydedd Cyfun, a’u gyfuno â disgyblaethau yn amrywio o Geneteg i Wleidyddiaeth Ryngwladol. Mae’r rhain yn gynlluniau gradd lled newydd, felly nid ydynt hyd yn hyn wedi eu hachredu gan y Gymdeithas Seicoleg Brydeinig er mwyn symud ymlaen ar unwaith i’w cymhwysterau uwchraddedig cydnabyddedig. Ond, bydd sawl llwybr arall ar gyfer astudio uwchraddedig ar agor i raddedigion Seicoleg, gan gynnwys cyrsiau trosi achrededig y Gymdeithas Seicoleg Brydeinig sy’n arwain at Sylfaen Graddedig ar gyfer Cofrestru.
Mae’r rhain yn gynlluniau gradd lled newydd, felly nid ydynt hyd yn hyn wedi eu hachredu gan y Gymdeithas Seicoleg Brydeinig er mwyn symud ymlaen ar unwaith i’w cymhwysterau uwchraddedig cydnabyddedig. Ond, bydd sawl llwybr arall ar gyfer astudio uwchraddedig ar agor i raddedigion Seicoleg, gan gynnwys cyrsiau trosi achrededig y Gymdeithas Seicoleg Brydeinig sy’n arwain at Sylfaen Graddedig ar gyfer Cofrestru.
Dysgu a Chefnogaeth
Mae Seicoleg yn ddisgyblaeth a seilir ar dystiolaeth ac fe fyddwch yn datblygu nifer o sgiliau archwiliadol a throsglwyddadwy o dan arweiniad darlithwyr sydd yn weithgar mewn gwaith ymchwil. Trwy gydol eich cwrs gradd cewch eich dysgu trwy gyfuniad o ddarlithoedd, seminarau/tiwtorialau a sesiynau ymarferol a fydd yn cynnwys gwaith prosiect ac ymarferion datrys problemau. Mae staff yn defnyddio amrywiaeth o ddulliau dysgu cyfoes, er enghraifft dysgu ar lein a dysgu seiliedig ar ddatrys problemau er mwyn cynorthwyo i ddatblygu dealltwriaeth y myfywyr.
Cefnogir yr holl fodiwlau gan adnoddau electronig a gynlluniwyd i wella dysgu hunan-gyfarwyddol. Yn ystod eich astudiaethau bydd gennych hawl i fanteisio ar bob math o ddeunydd dysgu, sy’n cynnwys adnoddau cynhwysfawr Llyfrgell Genedlaethol Cymru, a saif nesaf at y campws. Asesir trwy arholiadau ac asesu parhaus, gan roi cyfle i chi ddatblygu sgiliau newydd a dangos eich cynnydd academaidd.
Anrhydedd Sengl:
Anrhydedd Gyfun:
| Seicoleg ac Addysg | CX83 |
| Seicoleg a Llenyddiaeth Saesneg | CQ83 |
| Seicoleg a Marchnata | CN85 |
| Seicoleg a Throseddeg | CM89 |