Graddau Seicoleg ym Mhrifysgol Aberystwyth
Gradd Seicoleg (800)
Gradd Seicoleg
Yr ymennydd dynol yw’r strwythur naturiol mwyaf cymhleth yn y bydysawd y gwyddom amdano. Ym maes Seicoleg, rydyn ni’n ceisio esbonio sut y mae’n gweithio. Astudiaeth ddadansoddol yw Seicoleg o gymhlethdodau ymddygiad pobl mewn ymgais i ddeall pam yr ydyn ni’n ymddwyn fel y gwnawn: pa ran sydd gan ein genynnau, ein hamgylchedd teuluol, ein cyd-destun cymdeithasol a diwylliannol ac yn y blaen. Mae myfyrwyr Seicoleg yn chwilio am atebion ar sail tystiolaeth i’r cwestiynau hyn.
O ddechrau eich gradd cewch eich cyflwyno i’r syniadau, y damcaniaethau a’r canfyddiadau ymchwil allweddol sydd wedi dylanwadu ar seicoleg: seicoleg gymdeithasol, damcaniaeth gwahaniaethau unigol, bioseicoleg ac yn y blaen. Byddwch yn dechrau dysgu dulliau ymchwil seicolegol, fel y gallwch gyflawni eich archwiliadau eich hun i ymddygiad pobl.
Gradd Seicoleg Blwyddyn 1
Nid ydym yn tybio bod gennych wybodaeth yn flaenorol, felly mae Blwyddyn 1 yn gosod sylfaen i’ch astudiaethau yn y dyfodol, ac yn rhoi rhagarweiniad i gysyniadau hanfodol Seicoleg. Yn ogystal â hyn, cewch eich cyflwyno i ddulliau ymchwil seicolegol a’u dehongliadau yn rhan o’r modiwl Applications of Psychology, a fydd yn eich cynorthwyo i ddeall sut y mae canlyniadau ymchwil seicolegol yn cael eu defnyddio, mewn disgyblaethau mor amrywiol â Marchnata a Gofal Iechyd.
Mae pynciau craidd blwyddyn un yn cynnwys:
- Social and developmental psychology
- Biological and cognitive psychology
- Individual differences psychology
- Applications of psychology
Blynyddoedd 2 a 3 Gradd mewn Seicoleg
Ym mlynyddoedd 2 a 3 byddwch yn ailymweld â’r pynciau a gyflwynwyd yn eich blwyddyn gyntaf, ond y tro hwn byddwch yn astudio ar lefel uwch (Anrhydedd) ac fe fydd eich gallu i ddeall cysyniadau cymhleth yn cael ei brofi i’r eithaf. Byddwch yn dechrau defnyddio meddalwedd cyfrifiadurol mwy cymhleth i ymdrin ag ystadegau; byddwch yn dysgu dulliau ymchwil ansoddol aeddfetach a dulliau mwy soffistigedig o ddehongli data.
Wrth i’ch hyder a’ch cymhwysedd gynyddu, cewch fwy o gyfle i ddewis beth i’w astudio. Yn nhrydedd flwyddyn eich gradd Seicoleg byddwch yn gweithio gydag arolygydd penodol a fydd yn eich cynorthwyo i gynllunio a gweithredu prosiect eich blwyddyn olaf, lle byddwch yn cynhyrchu adroddiad prosiect safonol a phoster ymchwil mewn maes o’ch dewis eich hun.
Charlotte Hayman - Gradd Seicoleg ac MarchnataLoughton, Essex
Gradd Seicoleg – Enghraifft o Fodiwl - Enghraifft o Fodiwl
PS11100 - Introduction to Psychology: Concepts and Applications
Mae’r modiwl hwn yn rhoi cyflwyniad i seicoleg i’r rhai nad ydynt yn arbenigwyr, heb dybio bod gennych unrhyw wybodaeth flaenorol am y maes. Y mae’n rhoi i fyfyrwyr ddarlun o esblygiad seicoleg fel disgyblaeth gydag ystod amrywiol iawn o gymwysiadau. Caiff datblygiad y pwnc ei nodi a’i osod yng nghyd-destun gofynion ehangach newidiadau cymdeithasol, gwleidyddol a diwylliannol, gan ddangos sut y cymhwysir damcaniaethau sylfaenol mewn meysydd fel seicoleg iechyd a gwaith, neu seicoleg fforensig a thraws-ddiwylliannol.