Senograffeg a Dylunio Theatr

BA - 3 blynedd

Please turn on JavaScript.
Media requires JavaScript to play.

Barn Myfyriwr am y Cwrs

Nid yw'r fidio ar gael yn y Gymraeg

Trawsgrifiad Fidio

Cynllun gradd newydd yw hwn, sy’n cymryd golwg newydd radical ar ddylunio yng nghyd-destun creu theatr a pherfformiad. Trwy edrych y tu hwnt i ffiniau sefydledig cynllunio set, gwisgoedd, goleuo a sain (sydd ynddyn nhw eu hunain yn cael eu cydnabod a’u harchwilio) mae Senograffeg a Dylunio Theatr yn cymryd golwg ar y gofod perfformio yn ei grynswth, ac yn ystyried sut y trefnir y gofod hwn fel arfer artistig ynddo’i hun. Trwy gyfuniad o archwiliadau damcaniaethol ac ymarferol, mae Senograffeg a Dylunio Theatr yn edrych yn feirniadol ar bob math o arferion cyfoes, o theatr mewn adeilad penodol i berfformiadau lleoliad, o theatr amgylcheddol i berfformiad wedi’i fewnosod. Bydd y cynllun gradd yn canolbwyntio ar ddatblygu eich arferion dylunio chi eich hun o fewn neu ochr yn ochr ag arfer theatr a pherfformio.

Y mae Senograffeg a Dylunio Theatr yn gynllun ar hyn o bryd, ac oherwydd hynny mae’n hollol addas i’w gyfuno â’r cynllun Astudiaethau Perfformio , neu i’w gymryd mewn cyfuniadau cyffrous gyda Drama, Astudiaethau Ffilm a Theledu, a disgyblaethau eraill yng Nghyfadran y Celfyddydau. Disgwylir y bydd ar gael fel rhaglen anrhydedd sengl o’r flwyddyn nesaf ymlaen. Mae’r cynllun yn defnyddio sawl math arloesol o ddulliau dysgu ac aseiniadau asesu, gan gynnwys darlithoedd/arddangosiadau aml-gyfrwng a chyflwyniadau sain/fideo/cyfrwng-cymysg gan fyfyrwyr. Ar ddiwedd y cwrs, byddwch wedi meithrin ystod eang o sgiliau trosglwyddadwy deallusol ac ymarferol, y gallwch eu cymhwyso i bob math o yrfaoedd yn y cyfryngau creadigol a thu hwnt. Byddwch hefyd yn mynd oddi yma â phortffolio personol o waith a grëwyd ar ffurf deunyddiau ac ar ffurf gwefan bersonol a gaiff ei chreu a’i datblygu yn ystod y cynllun. Bwriedir hefyd i’r profiad a ddaw yn sgil y radd gyfoethogi a datblygu eich ffordd unigol chi o edrych a’ch arferion creu.

Graddau sy’n cyfuno pwnc o Theatr, Ffilm a Theledu gyda phwnc arall

Victoria Campbell BA Drama a Senograffeg St Helen’s, Glannau Mersi

“Does dim prifysgol arall yn y wlad yn cynnig Senograffi, fel mae Aberystwyth yn ei wneud. Mae’r adran yn rhagorol, mae ganddi gyfleusterau gwych, mae’n rhyfeddol ac mae’r holl staff yn hawdd siarad â nhw ac yn gyfeillgar. Hefyd yn yr adran mae’r ganolfan ymchwil perfformio, a drws nesaf i’r campws mae Archif Sgrin a Sain Llyfrgell Genedlaethol Cymru. Yr hyn rwy’n ei hoffi fwyaf am astudio yn Aberystwyth yw’r bywyd nos. Mae rhywbeth i’w wneud yma bob amser, boed yn glybio neu rywbeth tawelach, mae popeth yma. Yn bendant fe fyddwn i’n argymell Aberystwyth i bobl eraill. Mae yna rywbeth yma i bawb, waeth pa gymdeithas rydych chi am ymuno â hi neu ba chwaraeon rydych chi am eu gwneud. Cymerwch rywbeth fel sgïo, fyddech chi byth yn disgwyl gallu ei wneud mewn lle fel Aberystwyth, ond mae yna glwb yma ar ei gyfer!”