Canolfan y Celfyddydau Aberystwyth yw’r ganolfan celfyddydau fwyaf a phrysuraf yng Nghymru ac yn un sydd wedi ennill sawl gwobr yn y gorffennol. Mae’n cynnig rhaglen helaeth o ddigwyddiadau a gweithgareddau, gan gynnwys drama, cerddoriaeth glasurol, dawns, cerddoriaeth bydeang, ffilm, darlleniadau llenyddol, bandiau byw, opera a chomedi. Mae yma rywbeth i bawb yng Nghanolfan Celfyddydau Aberystwyth.

A hithau wedi’i chydnabod yn ddiweddar gan y Western Mail fel “eicon cenedlaethol i’r celfyddydau” mae rhaglen arddangosfeydd Canolfan y Celfyddydau yn un o’r ychydig fannau yng Nghymru a gydnabyddir yn Ganolfan Ragoriaeth gan Gyngor y Celfyddydau.

Mae Canolfan y Celfyddydau yn croesawu dros 650,000 o ymwelwyr y flwyddyn, ac mae bron i 100,000 yn mwynhau ei rhaglen unigryw o gelfyddyd ac addysg gymunedol. Y mae’n un o ddarparwyr addysg gelfyddydol fwyaf y DU.