Mae Llyfrgell Hugh Owen ym Mhrifysgol Aberystwyth hefyd wedi ennill gwobrau. Mae ynddi dros 800,000 o lyfrau, cyfnodolion ac amrywiaeth aruthrol o gronfeydd-data electronig a chasgliadau academaidd, a’r cyfan hyn yn sicrhau i chi’r amgylchedd dysgu gorau posibl i astudio ynddo.

Serch hynny, nid llyfrau a chyfnodolion yn unig a gynigir gan Lyfrgell Hugh Owen. Mae’n gartref i ystafelloedd cyfrifiaduron o’r radd flaenaf sy’n llwythog o feddalwedd angenrheidiol i holl brif gyrsiau’r Brifysgol. Mae llawer o ddefnyddwyr y Llyfrgell yn defnyddio adnoddau fideo-gynadledda newydd y Llyfrgell yn ogystal â’i gwasanaeth argraffu helaeth.

Mae gan Lyfrgell Hugh Owen ganolfannau dysgu hefyd; maent wedi’u cynllunio a’u dodrefnu’n benodol ar gyfer pobl ag anableddau dysgu. Mae’r canolfannau hyn yn cael eu rhedeg gan staff arbenigol sydd yno i helpu unrhyw fyfyriwr ag anhawsterau dysgu.

Mwynhau’r golygfeydd dros Aberystwyth yw’r norm gan fod Llyfrgell Hugh Owen yn wynebu’r Gorllewin dros Fae Ceredigion a’i holl ogoniant.