Penbryn yw un o’r prif neuaddau preswyl i fyfyrwyr y flwyddyn gyntaf. Mae’r awyrgylch cyfeillgar a gofalgar yn golygu y gallwch ymgartrefu’n hawdd i’ch bywyd newydd yn y brifysgol.

Oherwydd y cyfleusterau ardderchog ym Mhenbryn bydd eich arhosiad yma cymaint yn haws a gallwch ganolbwyntio ar agweddau pwysicach ar eich bywyd prifysgol. Mae bwyty newydd a chwaethus TaMed Da yn rhan o Benbryn ac yn cynnig rhywbeth at ddant pawb; mae’r bwyty yn aml yn rhoi cynigion arbennig i wneud bywyd prifysgol ychydig bach yn haws i’ch cyfrif banc.

Y golchdai mawr, yr ystafelloedd cyfrifiaduron penigamp, digon o leoedd parcio diogel - dyma rai o’r rhesymau pam mai Penbryn yn aml yw dewis cyntaf ein blwyddyn gyntaf o ran neuaddau preswyl.

Mae gan holl ystafelloedd gwely Penbryn fynediad di-dâl i gysylltiad rhyngrwyd cyflymder uchel y brifysgol. Efallai mai chi fydd un o’r rhai lwcus i gael ystafell sy’n wynebu’r gorllewin gyda golygfeydd anhygoel ar draws Bae Ceredigion.