Gyferbyn â’r prif gampws mae pentre’r myfyrwyr a adnabyddir fel PJM. Mae’n cynnig llety gwych mewn lleoliad hardd iawn ac yn gartref i 922 o fyfyrwyr.

Mae’r pentre’n cynnwys tai unigol sy’n gartref i grwpiau o 5 neu 6 myfyriwr mewn ystafelloedd gwely sengl, yn rhannu adnoddau cegin ac ystafelloedd ymolchi.  Mae cysylltiadau cyfrifiadurol gyda rhwydwaith y Brifysgol ym mhob ystafell.  Mae adnoddau canolog yn y pentref a cheir yma ystafell gyfrifiaduron a man golchi dillad.  Mae cyfrifiaduron, mynediad di-wifr, mannau astudio mewn grwp, dodrefn cyfforddus er mwyn ymlacio a pheiriannau gwerthu byrbrydau yn Lolfa PJM. 

Mae pont droed yn arwain o’r campws i PJM.