Cyflogadwyedd

Ein nod fel Prifysgol yw rhoi i chi y wybodaeth a’r sgiliau sydd eu hangen arnoch i fynd â chi i ble bynnag rydych eisiau mynd yn eich bywyd.

Law yn llaw â’r modiwlau y byddwch yn eu hastudio ar gyfer eich gradd, cewch hefyd gyfleoedd i’ch helpu i baratoi ar gyfer bywyd ar ôl graddio. Mae ein Gwasanaeth Gyrfaoedd yn cynnig rhaglen o weithdai a sesiynau hyfforddi i roi trefn ar eich CV. Mae llawer o’n cyrsiau’n rhoi cyfle i chi i ehangu eich gorwelion drwy dreulio rhan o’ch cwrs gradd yn astudio dramor, neu gallech ddewis cwrs sy’n cynnig blwyddyn allan mewn diwydiant.

 

Eich Cwrs a'ch Adran

Cynigir amrywiaeth o ddewisiadau i’n myfyrwyr yn yr adrannau academaidd i ddatblygu eu sgiliau a’u galluoedd ymhellach. Bydd eich adran yn cynnig gweithdai, cyflwyniadau, darlithoedd a gweithgareddau sy’n gysylltiedig â chyflogwyr.

Cyfleoedd I Raddedigion

Mae cyflogwyr, cyrff, sefydliadau ac unigolion yn ymweld â’r Campws yn aml i gynnig cyngor, dealltwriaeth, syniadau a swyddi i’n myfyrwyr. Dyma rai o’r cyflogwyr sy’n bartneriaid i ni: 

  • Oracle
  • yr Ymddiriedolaeth Genedlaethol
  • Admiral
  • QinetiQ
  • Sefydliad Charteris
  • y Gwasanaeth Sifil
  • ACCA
  • Network Rail
  • IBM
  • Enterprise Rent-A-Car
  • Teach English in China
  • Heddlu Llundain
  • Yswiriant Endsleigh

Mae cymorth hefyd ar gael i’r rhai sy’n awyddus i sefydlu eu busnes eu hunain.

Eich Dyfodol

Rydym yn darparu cymorth i'n myfyrwyr o’r diwrnod cyntaf yn y Brifysgol. Dyma ragflas o'n gwasanaethau:

  • Galwch heibio
  • Ymholiadau drwy ebost
  • Cyfweliadau cynghori
  • Adnoddau gwybodaeth a chyngor
  • Digwyddiadau a gweithgareddau gyda chyflogwyr
  • Gweithdai a sesiynau datblygu sgiliau

Profiad Gwaith

Gall ein tîm Gyrfaoedd helpu i ddod o hyd i brofiad gwaith i’n myfyrwyr.

  • Cyfnodau rhagflas a chysgodi – rhowch gynnig arni gyntaf!
  • Swyddi dros dro yn lleol
  • Dewisiadau posib am waith ar y Campws
  • Cyfleoedd ymchwil
  • Lleoliadau gwaith yn yr haf
  • Interniaethau
  • Cynllun Blwyddyn mewn Gwaith
  • Blwyddyn Astudio Dramor
  • Cynlluniau Cyfnewid Rhyngwladol
  • Erasmus
  • Cyflogaeth i raddedigion

Aber Ymlaen

Mae'r Brifysgol yn deall yn llawn eich angen i gael profiad gwaithperthnasol ac, o ganlyniad, datblygwyd 'AberYmlaen', cyfle i ddysgua datblygu ar gyfer myfyrwyr a graddedigion Prifysgol Aberystwyth!

Gwaith Aber

Bwriad GwaithAber yw helpu myfyrwyr i ennill profiad gwaith ymarferol yn y Brifysgol. Nod allweddol y cynllun yw gwella eich sgiliau a’ch hunanymwybyddiaeth er mwyn datblygu eich cyflogadwyedd.