Module Information
Manylion y cyrsiau
Dulliau Asesu
Math o Assessiad | Manylion / Hyd Assessiad | Cyfran |
---|---|---|
Asesiad Semester | Y Broses Ymarfer: datblygiad a chynnydd y myfyriwr yn ystod y broses baratoi ac ymarfer | 50% |
Asesiad Semester | Cymhwyso'r egwyddorion a'r sgiliau a ddysgwyd yn ystod y broses ymarfer wrth gyflawni'r gwaith cyhoeddus terfynol | 30% |
Asesiad Semester | Arholiad Llafar a Llawlyfr | 20% |
Canlyniadau Dysgu
Wedi cwblhau'r modiwl dylai'r myfyrwyr:
1. arddangos gallu i weithio'n gydweithredol gyda gweddill y grwp dyfeisio dan oruchwyliaeth y cyfarwyddwr/hyrwyddwr er mwyn ymchwilio, dyfeisio a chyflwyno darn o theatr ar gyfer cynulleidfa neilltuol;
2. cynhyrchu cyfres o nodiadau ysgrifenedig sy'n berthnasol i'r prosiect, yn aml o dan amodau gweithdy;
3. cymhwyso, datblygu ac ymestyn y sgiliau allweddol a gyflwynwyd iddynt yn ystod y modiwlau Lefel 2 priodol yn ystod yr ail flwyddyn;
4. cymhwyso a chynnal y sgiliau sydd eu hangen er mwyn cyflawni amryw fath ar rol ymarferol o fewn cyfres o berfformiadau byw;
5. adfyfyrio ar eu cyfraniad i'r broses baratoi, ymarfer a chyflwyno a chofnodi'r myfyrion hyn mewn arholiad llafar ac ar ffurf llyfr nodiadau.
Nod
Cynnwys
Arweinir y cynhyrchiad gan gyfarwyddwr/aig brofiadol a fydd yn creu methodoleg ymarfer priodol ar gyfer y prosiect. Yn ystod yr ymarferion, fe fydd y myfyrwyr yn cael profiad o gemau theatr, ymarferion byrfyfyrio, ymarferion eraill a gweithdai, a fydd wedi'u cynllunio'n benodol er mwyn hybu dealltwriaeth a gallu'r myfyrwyr i gyflawni anghenion eu swyddogaeth o fewn y prosiect dyfeisiedig.
Fe fydd y prosiectau hyn yn cael eu cyflwyno yn un o leoliadau perfformio'r Adran neu mewn lleoliad safle-penodol priodol. Fe fydd cyfanswm o bum perfformiad o'r cyflwyniad a fydd yn rhoi cyfle i rieni, ffrindiau ac aelodau'r cyhoedd wylio gwaith ymarferol yr Adran.
Yn ystod y broses ymarfer, fe fydd disgwyl i'r myfyrwyr greu a dyfeisio darnau o destun theatraidd mewn grwpiau bychain ac fel unigolion. Fe fydd disgwyl i fyfyrwyr gadw llawlyfr cofnodion gwaith a fydd yn dogfennu datblygiadau a heriadau penodol a ddigwyddodd yn ystod y broses: fel fydd y llawlyfr hwn yn cael ei asesu ar ddiwedd y modiwl. At hynny wedi cwblhau'r prosiect, fe fydd y myfyrwyr yn sefyll arholiad llafar lle y byddant yn dadansoddi a gwerthuso eu profiadau ar y modiwl.
Disgrifiad cryno
Yn y modiwl hwn, fe fydd myfyrwyr yn gweithio mewn grwpiau bychain er mwyn dyfeisio darn o theatr ar gyfer grwp neu gynulleidfa o fath penodol. Fe all hyn fod yn brosiect Theatr-mewn-Addysg ar gyfer disgyblion ysgolion cynradd neu uwchradd; prosiect theatr gymunedol ar gyfer cynulleidfaoedd penodol, theatr mewn carchardai neu ar gyfer troseddwyr ifainc, neu ar gyfer yr henoed, y di-waith a.y.b.; neu fe all fod yn brosiect theatr-destun dyfeisiedig yn seiliedig ar thema, ddelwedd neu gysyniad neilltuol. Fe fydd gallu'r myfyrwyr i weithio fel tim dan oruchwyliaeth arbenigwr yn ganolog i lwyddiant y modiwl hwn. Yn ystod yr ymarferio a'r gweithdai ar gyfer y modiwl, fe fydd arweinydd y prosiect yn hwyluso datblygiad cysyniad, strategaeth a methodoleg waith a fydd yn briodol ar gyfer dyfeisio testunau byw. Fe fyddant hefyd yn gyfrifol am osod prosiectau ymchwil ac amcanion a chanllawiau clir er mwyn sicrhau bod yna fframwaith realaidd ar gyfer creu'r darn theatr yn llwyddiannus ymysg aelodau'r grwp.
Sgiliau Modiwl
Math o Sgiliau | Manylion Sgiliau |
---|---|
Cyfathrebu | Mae datblygu ac ymestyn sgiliau cyfathrebu yn allweddol bwysig ar gyfer pob agwedd ar greu cynhyrchiad, boed hynny'n gyfathrebu a'r gynulleidfa drwy berfformio, cyflwyno gweledigaeth o gynnwys golygfa wrth yfwryddo neu gyfathrebu ag aelodau tim dylunio wrth weithio'n dechnegol. |
Datblygu personol a chynllunio gyrfa | Ni cheir unrhyw ymwrwymiad ffurfiol na swyddogol i'r ddatblygiad personol a chynllunio gyrfa yn y modiwl; fodd bynnag, gellir trosglwyddo nifer fawr o'r sgiliau cyffredinol ac arbenigol a feithrinir yn ystod y prosiect hwn a'u cynhwyso ar gyfer nifer o amgylchiadau gwahanol, gan gynnwys rhai gyrfaol. |
Datrys Problemau | Fe ddatblygir y sgiliau hyn wrth i'r myfyrwyr ymateb i'r gwahanol fathau o her a gyfyd yn ystod y broses baratoi, ymarfer a chyflwyno ar gyfer y prosiect ymarferol. |
Gwaith Tim | Mae'r gallu i weithio fel aelod o dim creadigol yn allweddol bwysig ar gyfer pob agwedd ar waith cynhyrchu; ac fe fydd sgiliau arwain tim a chydweithio fel rhan o dim yn rhan bwysig o'r meini prawf ar gyfer asesiadau'r modiwl. |
Gwella dysgu a pherfformiad ei hun | Fe gedwir golwg ar ddatblygiad y myfyrwyr yn ystod y broses ymarfer a gofynnir iddynt adfyfyrio ar eu cyfraniad i'r prosiect wirth iddo ddatblygu. |
Rhifedd | Fe all fod medrau monitro cyllid prosiect yn berthnasol yma, ond ni ddatblygir y sgiliau hyn yn ffurfiol, ac nid asesir hwy, yn y modiwl. |
Sgiliau pwnc penodol | Fe fydd y modiwl yn datblygu ac ymestyn gallu'r myfyrwyr i gyfathrebu a chynulleidfa trwy nifer o wahanol ddulliau ymarferol, ac yn datblygu'u dealltwriaeth o'r theatr fel arf gyfathrebu. |
Sgiliau ymchwil | Fe ddatblygir sgiliau ymchwil wrth baratoi ar gyfer ymarferion y prosiect; ond nid asesir y sgiliau hyn yn uniongyrchol. |
Technoleg Gwybodaeth | Fe all myfyrwyr ganfod a defnyddio deunyddiau ar-lein wrth baratoi a chyflwyno'r prosiect hwn (e.e. wrth baratoi gwaith sain a.y.b.); ond nid asesir y sgiliau hyn yn uniongyrchol. |
Rhestr Ddarllen
Testun A CyffredinolGoat Island: School Book 2 Chwilio Primo (1987.) Six theatre-in-education programmes /selected and edited by Christine Redington. Methuen Chwilio Primo Baugh, Christopher. (2005.) Theatre performance and technology :the development of scenography in the twentieth century /Christopher Baugh. Palgrave Macmillan Chwilio Primo Bogart, Anne (2001.) A director prepares :seven essays on art and theatre /Anne Bogart. Routledge Chwilio Primo Clements, Paul (1983) The Improvised Play:The Work of Mike Leigh Methuen & Company, Limited Chwilio Primo Davies, David (ed) (2005) Edward Bond and the Dramatic Child Trenthon Books Chwilio Primo Edwards, Betty. (1982 (1990 prin) Drawing on the right side of the brain /Betty Edwards. Fontana Chwilio Primo Edwards, David (1998) The Shakespeare Factory, Moon River, The Deal Seren Drama Chwilio Primo Etchells, Tim (1999 (various p) Certain fragments :contemporary performance and forced entertainment /Tim Etchells ; photographs by Hugo Glendinning. Routledge Chwilio Primo Fleming, Michael (2003.) Starting drama teaching /Michael Fleming. David Fulton Chwilio Primo Greig, Noel (Jan. 2005) Playwriting:A Practical Guide Routledge Chwilio Primo Johnstone, Chris (1993) House of Games: Making Theatre for Everyday Life Nick Hern Books Chwilio Primo Linklater, Kristin. (2006.) Freeing the natural voice :imagery and art in the practice of voice and language /by Kristin Linklater ; illustrations by Andre Slob. Nick Hern Chwilio Primo Menear, Pauline. (1988.) Stage management and theatre administration /Pauline Menear and Terry Hawkins. Phaidon Chwilio Primo O'Toole, J (1976) Theatre in Education: New Objectives for Theatre - New Techniques in Education Hodder and Stoughton Chwilio Primo O'Toole, John (1992.) The process of drama :negotiating art and meaning /John O'Toole. Routledge Chwilio Primo Oddey, Alison (Oct. 1996) Devising Theatre:A Practical and Theoretical Handbook Taylor & Francis Group Chwilio Primo Oddey, Alison (1996 (various p) Devising theatre :a practical and theoretical handbook /Alison Oddey. Routledge Chwilio Primo Pallin, Gail (Aug. 2004) Stage Management:The Essential Handbook Nick Hern Books, Limited Chwilio Primo Palmer, Scott (April 2000) Essential Guide to Stage Management, Lighting, and Sound Hodder Education Chwilio Primo Pisk, Litz. (1998.) The actor and his body /by Litz Pisk. Methuen Drama Chwilio Primo Reid, Francis (2001.) The staging handbook /Francis Reid. A & C Black Chwilio Primo Robinson, K (1980) Exploring Theatre in Education H.E.B. Chwilio Primo Rossol, Monona (2001) Health and Safety for Film, TV and Theater Allworth Press Chwilio Primo
Spolin, Viola. (1999.) Improvisation for the theatre :a handbook of teaching and directing techniques /[by] Viola Spolin. Northwestern University Chwilio Primo Taylor, Anna-Marie. (1997.) Staging Wales /Anna-Marie Taylor. University of Wales Press Chwilio Primo Zinder, David (2002.) Body--voice--imagination :a training for the actor / c David Zinder. Routledge Chwilio Primo
Nodau
Mae'r modiwl hwn yn cydymffurfio a FfCChC Lefel 6